1 Thessalonianys 1 - An Bibel Kernewek 20234 (Kernewek Kemmyn)

Salusyans

¹ Powl, Silvanus ha Timothi, Dhe eglos tus Thessalonika yn Duw an Tas ha'n Arloedh Yesu Krist: Gras dhywgh hwi ha kres.

Fydh hag Ensampel Tus Thessalonika

² Ni a ras dhe Dhuw pup-prys ragowgh hwi oll, orth agas meneges yn agan pysadow, heb hedhi,

³ ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

⁴ ow kodhvos, a vreder meurgerys gans Duw, agas bos dewisys;

⁵ rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

⁶ Ha hwi a dheuth ha bos holyoryon a'gan ensampel ni, hag a'n Arloedh, ow tegemmeres an ger yn galar bras gans lowena an Spyrys Sans,

⁷ mayth ethewgh ha bos ensampel dhe'n gryjygyon oll yn Makedonia hag Aghaia.

⁸ Rag ger an Arloedh ny wrug seni dhiworthowgh nyns yw unnsel yn Makedonia hag yn Aghaia, mes yn pub le agas fydh yn Duw re beu dyllys a-les, ma nag yw res dhyn ni leverel travyth.

⁹ An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

¹⁰ ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.