1 Kroniklys 9 - An Bibel Kernewek 20234 (Kernewek Kemmyn)

¹ Ytho oll Ysrael a veu kovskrifys herwydh aga aghskrifow yn lyver myghternedh Ysrael. Yuda a veu degys yn divroedh yn Babylon drefenn aga dislelder.

² An kynsa divresow dhe driga arta yn aga sitys o Ysraelysi leg, an oferysi, an Levysi, ha'n Nethinim.

An Dus a Dhehwelas dhe Yerusalem

³ Yth esa re a vebyon Yuda, Benyamin, Efraym ha Manasse trigys yn Yerusalem:

⁴ Uthay mab Ammihud, mab Omri, mab Imri, mab Bani, dhiworth mebyon Peres mab Yuda.

⁵ A'n Shilonysi: Asaya an kynsa-genys, ha'y vebyon.

⁶ A vebyon Zeragh: Yeuel ha'ga breder, hwegh kans, deg ha peswar-ugens.

⁷ A'n Benyaminysi: Sallu mab Meshullam, mab Hodavya, mab Hassenua,

⁸ Ybneya mab Yeroham, Ela mab Uzzi, mab Mikri, ha Meshullam mab Shefatia, mab Reuel, mab Ybniya;

⁹ ha'ga breder war-lergh aga henedhow naw kans, hwetek ha dew-ugens. Oll an wer ma o pennow chi aga thasow.

An Oferysi

¹⁰ A'n oferysi: Yedaya, Yehoyarib, Yakin,

¹¹ Azaria mab Hilkia, mab Meshullam, mab Sadok, mab Merayoth, mab Ahitub, pennsoedhek chi Duw;

¹² Adaya mab Yeroham, mab Pashhur, mab Malkia; Maasay mab Adiel, mab Yaghzera, mab Meshullam, mab Meshillemith, mab Immer;

¹³ war-barth gans aga breder, pennternedh yn chi aga thasow, mil, seyth kans ha tri ugens, gwer pur abel rag ober yn servis chi Duw.

An Levysi

¹⁴ A'n Levysi: Shemaia mab Hasshub, mab Azrikam, mab Hashabia, a vebyon Merari;

¹⁵ Bakbakkar, Heresh, Galal, ha Mattania mab Mika, mab Zikri, mab Asaf;

¹⁶ Obadia mab Shemaia, mab Galal, mab Yeduthun; Berekia, mab Asa, mab Elkana, esa trigys yn trevow an Netofathysi.

¹⁷ An borthoryon: Shallum, Akkub, Talmon, Ahiman, ha'ga breder. Shallum o an penn.

¹⁸ Kyns an termyn na yth ens gwithysi orth yet an myghtern troha'n est. Re biens porthoryon rag kamp an Levysi.

¹⁹ Shallum mab Kore, mab Ebiasaf, mab Koragh, ha'y breder yn teylu an Koraghysi, a'n jevo charj a ober an servis, avel gwithysi treudhow an tylda; aga thasow a's tevia charj a witha an entrans dhe gamp an Arloedh.

²⁰ Finehas mab Eleazar re bia an soedhek warnedha seulabrys; yth esa an Arloedh ganso.

²¹ Zekaria mab Meshelemia o porther orth entrans tylda an kuntelles.

²² Oll an re dewisys dhe vos porthoryon orth an treudhow o dew kans ha dewdhek. I a veu kovskrifys yn aga godrevi. Davydh ha Samuel an gwelesydh a wrussa aga apoyntya drefenn aga lenduri.

²³ Ytho i ha'ga mebyon a's tevo charj a yetow chi an ARLOEDH, henn yw, chi an tylda, avel gwithysi.

²⁴ Yth esa an borthoryon war an peswar tenewen, howldrehevel, howlsedhes, kledhbarth ha dyghowbarth;

²⁵ res o aga breder yn aga godrevow dos dhe servya gansa dre seyth dydh treweythyow.

²⁶ An peswar chyf porther, neb o Levysi, a'n jevo charj a jambouryow ha gwithvaow chi Duw.

²⁷ Yth esens ow spena an nos a-dro dhe ji Duw rag yth esa warnedha an dever dh'y witha, ha dh'y igeri pub myttin.

²⁸ Re anedha a'n jevo charj a dhaffar an servis, rag res o aga akontya pan vedhens dres a-ji ha kemmerys yn-mes.

²⁹ Re erell anedha a veu apoyntys dhe worweles an mebel, hag oll daffar an sentri, an bleus fin, an gwin, an oyl, an frankynkys ha'n spisys.

³⁰ Re a vebyon an oferysi a gemmyska an spisys,

³¹ ha Mattithia, onan a'n Levysi, kynsa-genys Shallum an Koraghyas, a'n jevo charj a wrians an tesennow pebys yn padell.

³² Ha re a'ga breder an Koraghysi a'n jevo charj a vara an wolok, dh'y bareusi pub sabot.

³³ Yth esa an ganoryon, pennow teyluyow an Levysi, trigys yn chambouryow diberthys ragdha, rag res o i dhe vos parys dhe servya dydh ha nos.

³⁴ An re ma o pennow teyluyow an Levysi herwydh aga henedhow, hembrenkysi, trigys yn Yerusalem.

Teylu Myghtern Sowl

³⁵ Yn sita Gibeon yth esa trigys Yeiel, tas Gibeon, ha hanow y wreg o Maaka.

³⁶ Y vab kynsa-genys: Abdon, ena Sur, Kish, Baal, Ner, Nadab,

³⁷ Gedor, Ahio, Zekaria, ha Mikloth.

³⁸ Mikloth a dhineythis Shimea; yth esens trigys a-dal aga breder yn Yerusalem.

³⁹ Ner a dhineythis Kish, ha Kish a dhineythis Sowl, ha Sowl a dhineythis Yonathan, Malkishua, Abinadab, hag Eshbaal.

⁴⁰ Mab Yonathan o Merib-baal ha Merib-baal a dhineythis Mika.

⁴¹ Mebyon Mika: Pithon, Melek, Taghrea hag Ahaz.

⁴² Ahaz a dhineythis Yara; Yara a dhineythis Alemeth, Azmaveth, ha Zimri; Zimri a dhineythis Mosa.

⁴³ Mosa a dhineythis Binea, ha Refaya o y vab, Elasa y vab, Asel y vab.

⁴⁴ Asel a'n jevo hwegh mab ha'n re ma yw aga henwyn: Azrikam, Bokeru, Yshmael, Shearia, Obadia, ha Hanan; an re ma o mebyon Asel.