1 Kroniklys 7 - An Bibel Kernewek 20234 (Kernewek Kemmyn)

Mebyon Yssakar

¹ Mebyon Yssakar: Tola, Pua, Yashub ha Shimron, peswar.

² Mebyon Tola: Uzzi, Refaya, Yeriel, Yaghmay, Ybsam, ha Shemuel, pubonan anedha o pennow chi aga thasow, diyskynnysi Tola, kasoryon alloesek war-lergh aga henedhow; aga niver yn dydhyow Davydh o dew warn ugens a vilyow, hwegh kans.

³ Mab Uzzi: Yzraghya. Mebyon Yzraghya: Mighal, Obadia, Yoel, hag Ysshia, pymp, pubonan pennternedh;

⁴ war-barth gansa, herwydh aga henedhow, herwydh chi aga thasow, yth esa bagasow a'n lu rag bresel, hwetek mil warn ugens, rag bos dhedha lies gwreg ha lies mab.

⁵ Aga breder yn oll kordhow Yssakar, kasoryon alloesek, o seyth ha peswar ugens a vilyow, pubonan kovskrifys y'n aghskrifow.

Mebyon Benyamin

⁶ Mebyon Benyamin: Bela, Beker, ha Yediael, tri.

⁷ Mebyon Bela: Esbon, Uzzi, Uzziel, Yerimoth, hag Iri, pymp penn a ji aga thasow, kasoryon alloesek; ha'ga omrolyans herwydh aga aghskrifow o dew warn ugens a vilyow, peswardhek warn ugens.

⁸ Mebyon Beker: Zemira, Yoash, Eliezer, Elyoenay, Omri, Yeremoth, Abia, Anathoth, hag Alemeth. Oll an re ma o mebyon Beker,

⁹ omrolys y'n aghskrifow, herwydh aga henedhow, avel pennow chi aga thasow, kasoryon alloesek, ugens mil ha dew kans.

¹⁰ Mebyon Yediael: Bilhan. Ha mebyon Bilhan: Yeush, Benyamin, Ehud, Kenaana Zethan, Tarshish, hag Ahishahar.

¹¹ Oll an re ma o mebyon Yediael herwydh pennow kordhow aga thasow, kasoryon alloesek, seytek mil ha dew kans parys rag servis yn bresel.

¹² An Shuppim ha'n Huppim o mebyon Ir. An Hushim o mebyon Aher.

Mebyon Naftali

¹³ Mebyon Naftali: Yaghsiel, Guni, Yeser ha Shallum, mebyon Bilha.

Mebyon Manasse

¹⁴ Mebyon Manasse, Asriel dineythys gans y iswreg aramaek, ha Makir. Makir o tas Gilead.

¹⁵ Makir a gemmeras gwreg rag Huppim hag onan rag Shuppim. Maaka o hanow y hwoer. Hanow an mab arall o Selofehad; ha Selofehad a'n jevo myrghes hepken.

¹⁶ Ha Maaka gwreg Makir a dhineythis mab ha gelwel y hanow Peresh; ha hanow y vroder o Sheresh; ha'y vebyon o Ulam ha Rakem.

¹⁷ Mab Ulam: Bedan. An re ma o henedh Gilead, mab Makir, mab Manasse.

¹⁸ Ha'y hwoer Hammoleketh a dhineythis Ishhod, Abiezer, ha Mahla.

¹⁹ Mebyon Shemida o Ahyan, Shekem, Likhi, hag Aniam.

Mebyon Efraym

²⁰ Henedh Efraym: Shuthelagh, ha Bered y vab, Tahath y vab, Eleada y vab, Tahath y vab,

²¹ Zabad y vab, ha Shuthelagh y vab. Ezer hag Elead a veu ledhys gans gwer Gath, trigoryon enesik an tir, drefenn i dhe dhiyskynna rag kemmeres aga chatel.

²² Efraym aga thas a alaris lies dydh, ha'y neskerens a dheuth dh'y gonfortya.

²³ Efraym eth a-ji dh'y wreg, ha hi a gonsevyas ha dineythi mab; hag ev a elwis y hanow Beria, drefenn anfeus dhe hwarvos dh'y ji.

²⁴ Y vyrgh o Sheera, neb a dhrehevis keffrys Beth-horon Isella ha Gwartha, hag Uzzen-shera.

²⁵ Refagh o y vab, Reshef y vab, Telagh y vab, Tahan y vab,

²⁶ Ladan y vab, Ammihud y vab, Elishama y vab,

²⁷ Nun y vab, Yoshua y vab.

²⁸ Aga thiredh ha'ga threvesigethow o Bethel ha'y threvow, dhe'n est Naaran, dhe'n howlsedhes Gezer ha hy threvow, ha Shekem ha'y threvow bys yn Ayya ha'y threvow.

²⁹ Yn perghennogeth Manasse yth esa Beth-shean ha'y threvow, Taanak ha'y threvow, Megiddo ha'y threvow, Dor ha'y threvow. Y'n re ma yth esa trigys mebyon Yosep mab Ysrael.

Mebyon Asher

³⁰ Mebyon Asher: Ymna, Yshva, Yshvi, Beria, ha'ga hwoer Seragh.

³¹ Mebyon Beria: Heber ha Malkiel, neb o tas Birzayth.

³² Heber a dhineythis Yaflet, Shemer, Hotham ha'ga hwoer Shua.

³³ Mebyon Yaflet: Pasak, Bimhal, hag Ashvath. An re ma o mebyon Yaflet.

³⁴ Mebyon Shemer y vroder: Rohga, Yehubba, hag Aram.

³⁵ Mebyon Helem y vroder: Sofagh, Ymna, Shelesh hag Amal.

³⁶ Mebyon Sofagh: Suagh, Harnefer, Shual, Beri, Ymra,

³⁷ Beser, Hod, Shamma, Shilsha, Ythran, ha Beera.

³⁸ Mebyon Yether: Yefunne, Pispa, hag Ara.

³⁹ Mebyon Ulla: Aragh, Hanniel, ha Risya.

⁴⁰ Oll an re ma o mebyon Asher, pennow chi aga thasow, kasoryon alloesek, pennternedh boesek. Aga niver omrolys der aghskrifow, rag servis yn bresel, o hwegh mil wour warn ugens.