1 Kroniklys 25 - An Bibel Kernewek 20234 (Kernewek Kemmyn)

Menestrouthi an Tempel

¹ Davydh ha hembrenkysi an lu a settyas a-denewen ynwedh rag servis re a vebyon Asaf, Heman, ha Yeduthun, dhe brofoesa gans sowtris, telynnow ha symbalys. Rol an wre a wre an servis rag an ober ma o:

² A vebyon Asaf: Zakkur, Yosep, Nethania, hag Asarela. Mebyon Asaf o yn-dann gevarwoedh Asaf neb a brofoesa yn-dann gevarwoedhyans an myghtern.

³ A vebyon Yeduthun: Gedalia, Seri, Yeshaia, Shimei, Hashabia ha Mattithia, an hwegh ma yn-dann aga thas Yeduthun, neb a brofoesa gans an sowtri, ow kodhvos gras ha gormel dhe'n Arloedh.

⁴ A vebyon Heman: Bukkia, Mattania, Uzziel, Shebuel, Yerimoth, Hanania, Hanani, Eliatha, Giddalti, Romamti-ezer, Yoshbekasha, Mallothi, Hothir, ha Mahazioth.

⁵ Oll an re ma o mebyon Heman, gwelesydh an myghtern, war-lergh ambos Dhuw dh'y ughelhe; rag Duw re rosa dhe Heman peswardhek mab ha teyr myrgh.

⁶ Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern.

⁷ Aga niver, war-barth gans aga breder, dyskys yn kana dhe'n Arloedh, o dew kans, eth ha peswar ugens.

⁸ I a dewlis prennyer rag aga deverow, byghan ha bras, dyskador ha dyskybel kekeffrys.

⁹ An kynsa prenn a goedhas rag Asaf dhe Yosep; an nessa dhe Gedalia, ev ha'y vreder ha'y vebyon, dewdhek;

¹⁰ an tressa dhe Zakkur, y vebyon ha'y breder, dewdhek;

¹¹ an peswora dhe Ysri, y vebyon ha'y vreder, dewdhek;

¹² an pympes dhe Nethania, y vebyon ha'y vreder o dewdhek;

¹³ an hweghves dhe Bukkia, y vebyon ha'y vreder, dewdhek;

¹⁴ an seythves dhe Yesarela, y vebyon ha'y vreder, dewdhek;

¹⁵ an ethves dhe Yeshaia, y vebyon ha'y vreder, dewdhek;

¹⁶ an nawves dhe Mattania, y vebyon ha'y vreder, dewdhek;

¹⁷ an degves dhe Shimei, y vebyon ha'y vreder, dewdhek;

¹⁸ an unnegves dhe Azarel, y vebyon ha'y vreder, dewdhek;

¹⁹ an dewdhegves dhe Hashabia, y vebyon ha'y vreder, dewdhek;

²⁰ an trydhegves dhe Shubael, y vebyon ha'y vreder, dewdhek;

²¹ an peswardhegves dhe Mattithia, y vebyon ha'y vreder, dewdhek;

²² an pymthegves dhe Yeremoth, y vebyon ha'y vreder, dewdhek;

²³ an hwetegves dhe Hanania, y vebyon ha'y vreder, dewdhek;

²⁴ an seytegves dhe Yoshbekasha, y vebyon ha'y vreder, dewdhek;

²⁵ an etegves dhe Hanani, y vebyon ha'y vreder, dewdhek;

²⁶ an nownsegves dhe Mallothi, y vebyon ha'y vreder, dewdhek;

²⁷ an ugensves dhe Eliatha, y vebyon ha'y vreder, dewdhek;

²⁸ an kynsa warn ugens dhe Hothir, y vebyon ha'y vreder, dewdhek;

²⁹ an nessa warn ugens dhe Giddalti, y vebyon ha'y vreder, dewdhek;

³⁰ an tressa warn ugens dhe Mahazioth, y vebyon ha'y vreder, dewdhek;

³¹ an peswora warn ugens dhe Romamti-ezer, y vebyon ha'y vreder, dewdhek.