1 Kroniklys 24 - An Bibel Kernewek 20234 (Kernewek Kemmyn)

Rannow an Oferysi

¹ Hemm yw rannow mebyon Aron: Mebyon Aron o Nadab, Abihu, Eleazar, hag Ithamar.

² Nadab hag Abihu a verwis kyns aga thas, ha ny's tevo mebyon, ytho Eleazar hag Ithamar a servyas avel oferysi.

³ Gans gweres Sadok a vebyon Eleazar hag Ahimelek a vebyon Ithamar, Davydh a's ordenas yn rannow herwydh deverow aga servis.

⁴ Niver an ledyoryon yn mysk mebyon Eleazar o brassa es an re yn mysk mebyon Ithamar, ytho rynnys vons yndella: hwetek penn teylu a vebyon Eleazar, hag eth penn teylu a vebyon Ithamar.

⁵ I a's kevrennas ow tewlel prenn, heb faverans, rag yth esa soedhogyon an sentri ha soedhogyon Duw yn mysk mebyon Eleazar ha keffrys yn mysk mebyon Ithamar.

⁶ An skriba Shemaia mab Nethanel, Levyas, a's kovadhas a-rag an myghtern, an bennsevigyon, Sadok an oferyas, Ahimelek mab Abiathar, ha pennow teyluyow an oferysi ha'n Levysi; unn teylu a veu dewisys rag Eleazar hag onan dewisys rag Ithamar.

⁷ An kynsa prenn a goedhas dhe Yehoyarib, an nessa dhe Yedaya,

⁸ an tressa dhe Harim, an peswora dhe Seorim,

⁹ an pympes dhe Malkia, an hweghves dhe Miyamin,

¹⁰ an seythves dhe Hakkos, an ethves dhe Abia,

¹¹ an nawves dhe Yeshua, an degves dhe Shekania,

¹² an unnegves dhe Elyashib, an dewdhegves dhe Yakim,

¹³ an trydhegves dhe Huppa, an peswardhegves dhe Yeshebeab,

¹⁴ an pymthegves dhe Bilga, an hwetegves dhe Immer,

¹⁵ an seytegves dhe Hezir, an etegves dhe Happisses,

¹⁶ an nownsegves dhe Pethahia, an ugensves dhe Yehezkel

¹⁷ an kynsa warn ugens dhe Yakin, an nessa warn ugens dhe Gamul,

¹⁸ an tressa warn ugens dhe Delaya, an peswora warn ugens dhe Maazia.

¹⁹ An re ma o restri aga servis pan dhens yn ji an Arloedh war-lergh an rewlys res dhedha gans Aron aga thas, dell arghsa an Arloedh, Duw Ysrael, dhodho.

Levysi Erell

²⁰ Mebyon erell Levi: a vebyon Amram, Shubael; mebyon Shubael: Yehdeya.

²¹ A Rehabia: mebyon Rehabia, Ysshia an penn.

²² A'n Ysharysi: Shelomoth; a vebyon Shelomoth, Yahath.

²³ Mebyon Hebron: Yeria an penn, Amaria an nessa, Yahaziel an tressa, Yekameam an peswora.

²⁴ Mebyon Uzziel, Mika; Mebyon Mika: Shamir.

²⁵ Broder Mika: Ysshia; a vebyon Ysshia, Zekaria.

²⁶ Mebyon Merari: Mahli ha Mushi, ynwedh Yaazia y vab.

²⁷ Mebyon Merari, a Yaazia: Beno, Shoham, Zakkur, hag Ibri.

²⁸ A Mahli: Eleazar, na'n jevo mebyon.

²⁹ A Kish, mab Kish: Yerahmeel.

³⁰ Mebyon Mushi: Mahli, Eder ha Yerimoth. An re ma o mebyon an Levysi herwydh chi aga thasow.

³¹ An re ma ynwedh a dewlis prenn, kepar dell wrug aga breder mebyon Aron a-rag Davydh an myghtern ha Sadok hag Ahimelek, ha pennow teyluyow an tasow a'n oferysi ha'n Levysi. Teylu broder kottha a veu dyghtys y'n keth vaner avel teylu broder yowynka.