Ngieosio 1 - ABIBILIA NGAKIRO NAAJOKAK

AKITAB NA A EKINGAREN ( Ngieosio 1–41 ) Alakara na iteni

¹ Epiaritae itwaan ni nyerukito ka ngitunga luaronok, kori nyiwapit erot a ngikasechak, kori nyiboikin natuk a ngitunga alu imenyarito Akuj.

² Nakaneni emina ngesi etal a Ekapolon Akuj, nabo itamanari etal ngolo naparan ka nakwaare.

³ Ikoni ngesi ekitoe lo itakinitae lokwaas a elelea, ekitoe lo nyesali akoniun ageor, nabo nyeokete ngakui keng jik. Ibore ni esubi ngesi daang, ejoker.

⁴ Nyikote ngitunga luaronok neni. Ikote kesi ngatunyeny na ekutari ekuwam.

⁵ Etubi Akuj ngakiro a ngitunga aluaronok, kipakarae alotunga alu a Akuj.

⁶ Kainyo erikit Ekapolon Akuj lu etenooko. Ani luaronok, emunyari kesi elote kech.