Xosué 19 - Biblia SEPT

A partilla de Simeón

¹ O segundo lote foi para Simeón, para a tribo dos fillos de Simeón, segundo as suás familias, e tiveron os seus eidos no medio da herdanza dos fillos de Xudá.

² E tocoulles en herdanza Beerxeba, Xeba, Moladah,

³ Hásar—Xual, Balah, Sem,

⁴ Eltolad, Betul, Hormah,

⁵ Siclag, Bet—Marcabot, Hasar—Susah,

⁶ Bet—Lebaot e Xeruhén: trece cidades e as súas aldeas:

⁷ In, Rimón, Éter e Axán: catro cidades e as súas aldeas;

⁸ e mais todas as aldeas que hai arredor desas cidades ata Balat—Beer (que é Ramat do Sur). Esta era a herdanza da tribo dos fillos de Simeón, segundo as súas familias.

⁹ Da partilla dos fillos de Xudá, tocoulles herdanza ós fillos de Simeón, pois o lote dos fillos de Xudá era de máis para eles; e herdaron os fillos de Simeón no medio do territorio daqueles.

A partilla de Zebulón

¹⁰ O terceiro lote foi para os fillos de Zebulón, segundo as súas familias, e chegou o lindeiro da súa herdanza ata Sarid.

¹¹ De aí subía cara ó occidente, e a Maralah, e chegaba a Dabéxet e mais ó torrente que está enfronte de Iocneam.

¹² E volvía de Sarid cara ó oriente —á saída do sol—, ata o extremo de Quislot—Tabor, prolongábase ata Daberat, e subía a Iafía.

¹³ Desde alí pasaba cara ó oriente, a Guitah—Hérfer e Itah—Casín, e saía a Rimón—Metoar e a Neah.

¹⁴ Despois dobraba cara ó norte, a Hanatón, e remataba no val de Iefteel.

¹⁵ Con Catat, Nahalal, Ximrón, Idalah e Belén, son doce cidades coas súas aldeas.

¹⁶ Esta é a herdanza dos fillos de Zebulón, segundo as súas familias: esas cidades, coas súas aldeas.

A partilla de Isacar

¹⁷ O cuarto lote que saíu foi para Isacar: para os fillos de Isacar, segundo súas familias.

¹⁸ O seu lindeiro ía cara a Iezrael Quesulot, Xunem,

¹⁹ Hafaraim, Xión, Anaharat,

²⁰ Rabit, Quixión, Abes,

²¹ Rémet, En—Ganim, En—Hadah e Ben—Passés.

²² O lindeiro chega ó Tabor, a Xahasimah e Bet—Xémex, e remata no Xordán. No total, dezaseis cidades e ás súas aldeas.

²³ Esta é a herdanza da tribo dos fillos de Isacar, segundo as súas familias: as cidades, coas súas aldeas.

A partilla de Axer

²⁴ O quinto lote que saíu foi para a tribo dos fillos de Axer, segundo as súas familias.

²⁵ O seu lindeiro ía por Helcat, Halí, Beten, Acxaf,

²⁶ Alamélec, Amad e Mixal; e polo Occidente chegaba ó Carmelo e mais a Xihor—Libnat.

²⁷ volvía cara ó oriente, a Bet—Dagón, e chegaba a Zebulón e mais á parte norte do val de Iefteel, e Bet—Émec e Neiel, e saía pola esquerda a Cabul,

²⁸ Hebrón, Rehob, Hamón e Canah, ata Sidón a Grande.

²⁹ O lindeiro xiraba cara a Ramah e ata a Forteza de Tiro, e volvía a Hosah, para saír ó mar pola parte de Aczib.

³⁰ Collía tamén Umah, Afec e Rehob: no total, vinte e dúas cidades coas súas aldeas.

³¹ Esta era a herdanza da tribo dos fillos de Axer, segundo as familias: esas cidades e mais as súas aldeas.

A partilla de Naftalí

³² O sexto lote que saíu foi para a tribo de Naftalí: para os fillos de Naftalí, segundo as súas familias.

³³ O seu lindeiro ía desde Hélef —desde a aciñeira de Saananim, Adamí—Néqueb e Iabneel, ata Lacum e prolongábase ata o Xordán;

³⁴ voltaba polo occidente a Asnot—Tabor, dirixíase desde ali a Hucoc, chegaba a Zebulón polo sur, e tiña a Axer polo occidente e o Xordán polo oriente.

³⁵ Collía tamén as cidades de defensa, de Sidim, Ser, Hamat, Racat, Quinéret,

³⁶ Adamah, Ramah, Hasor,

³⁷ Quédex, Edrei, En—Hasor,

³⁸ Irón, Migdal—El, Harem, Bet—Anat e Bet—Xémex: dezanove cidades coas súas aldeas.

³⁹ Esta era a herdanza da tribo dos fillos de Naftalí, segundo as súas familias: esas cidades e mais as súas aldeas.

A partilla de Dan

⁴⁰ O sétimo lote que saíu foi para a tribo dos fillos de Dan.

⁴¹ O lindeiro da súa herdanza collía Sorah, Extaol, Ir—Xémex,

⁴² Xaalabín, Aialón, Itlah,

⁴³ Elón, Timnátah, Ecrón,

⁴⁴ Eltequeh, Guibetón, Baalat,

⁴⁵ Ihud, Bené—Berac, Gat—Ri—món,

⁴⁶ Me—Iarcón, e mais Racón, co lindeiro enfronte de Iafa.

⁴⁷ O lindeiro dos fillos de Dan saía fóra do seu territorio, pois os fillos de Dan foron e loitaron contra Léxem e ocupárona; despois, pasárona pola espada e posuírona e habitaron nela. E chamaron a Léxem, Dan, coma o seu devanceiro.

⁴⁸ Esta era a herdanza dos fillos de Dan, segundo as súas familias: esas cidades, e mais as súas aldeas.

A herdanza de Xosué

⁴⁹ Cando remataron de distribuír a terra segundo os seus lindeiros, os fillos de Israel deron herdanza a Xosué, fillo de Nun, no medio de eles,

⁵⁰ cumprindo co mandato do Señor. Déronlle a cidade que pediu: Timnat——Sérah, na serra de Efraím. Entón edificou a cidade e habitou nela.

Conclusión das partillas

⁵¹ Estes son os territorios que herdaron o sacerdote Elazar e Xosué, fillo de Nun, e os xefes de familia das tribos dos fillos de Israel, por sortes, en Xiloh, diante do Señor, á porta da Tenda do Encontro e remataron así de repartir o país.