Xénese 5 - Biblia SEPT

Patriarcas antediluvianos

¹ Xenealoxía da humanidade. Cando Deus creou o home, fíxoo á súa imaxe.

² Creounos home e muller, e bendiciunos. O crealos, chamounos homes.

³ Adam tiña cento trinta anos cando xerou un fillo, imaxe súa e semellante a el. Púxolle o nome de Xet.

⁴ Adam viviu aínda oitocentos anos, e tivo outros fillos e fillas.

⁵ Por xunto viviu Adam novecentos trinta anos, e logo morreu.

⁶ Xet tiña cento cinco anos cando lle naceu Enox.

⁷ Despois viviu oitocentos sete anos e tivo outros fillos e fillas.

⁸ Por xunto viviu Xet novecentos doce anos, e logo morreu.

⁹ Enox tiña noventa anos cando lle naceu Quenán.

¹⁰ Viviu aínda oitocentos quince anos, e tivo outros fillos e fillas.

¹¹ Por xunto viviu novecentos cinco anos, e logo morreu.

¹² Quenán tiña setenta anos cando lle naceu Mahalalel.

¹³ Despois viviu oitocentos corenta anos, e tivo outros fillos e fillas.

¹⁴ Por xunto viviu novecentos dez anos, e logo morreu.

¹⁵ Mahalalel tiña sesenta e cinco anos cando lle naceu Iared.

¹⁶ Viviu aínda oitocentos trinta anos, e tivo outros fillos e fillas.

¹⁷ Por xunto viviu oitocentos noventa e cinco anos, e logo morreu.

¹⁸ Iared tiña cento sesenta e dous anos cando lle naceu Henoc.

¹⁹ Despois viviu oitocentos anos, e tivo outros fillos e fillas.

²⁰ Por xunto viviu novecentos sesenta e dous anos, e logo morreu.

²¹ Henoc tiña sesenta e cinco anos cando lle naceu Metuxalén.

²² Andou o camiño con Deus. Despois de lle nacer Metuxalén viviu aínda trescentos anos, e tivo outros fillos e fillas.

²³ Por xunto viviu trescentos sesenta e cinco anos.

²⁴ Andou o camiño con Deus, e logo desapareceu, porque Deus o levou.

²⁵ Metuxalén tiña cento oitenta e sete anos cando lle naceu Lámec.

²⁶ Despois viviu setecentos oitenta e tres anos, e tivo outros fillos e fillas.

²⁷ Por xunto viviu novecentos sesenta e nove anos, e logo morreu.

²⁸ Lámec tiña cento oitenta e dous anos cando lle naceu un fillo.

²⁹ Púxolle o nome de Noé, esperando: Este hanos aliviar dos traballos e angueiras que por culpa da maldición do Señor nos causa a terra.

³⁰ Despois viviu cincocentos noventa e cinco anos, e tivo outros fillos e fillas.

³¹ Por xunto viviu Lámec setecentos setenta e sete anos, e logo morreu.

³² Noé tiña cincocentos cando lle naceron Sem, Cam e Iafet.