Xénese 10 - Biblia SEPT

Táboa dos pobos

¹ Estes son os descendentes dos fillos de Noé, nacidos despois do diluvio.

² Descendentes de Iafet: Gomer, Magog, Madai, Iaván, Tubal, Méxec e Tirás.

³ Descendentes de Gomer: Axcanaz, Rifat e Togarma.

⁴ Descendentes de Iaván: Eliseo, Tarxix, os Quitim e os Dodanim.

⁵ Deles descenden os pobos marítimos, cada un na súa terra e coa súa lingua, por familias e por nacións.

⁶ Descendentes de Cam: Cux, Exipto, Put e Canaán.

⁷ Descendentes de Cux: Sebá, Havilah, Sabtah, Ramah e Sabtecá. Descendentes de Ramah: Xebá e Dedán.

⁸ Cux tivo a Nimrod, que empezou a facer valentías na terra.

⁹ Foi un cazador valente á vista do Señor, segundo o dito que corre: —"Cazador valente á vista do Señor, coma Nimrod".

¹⁰ Empezou sendo rei de Babel, Érec, Acad e Calneh, no país de Xinar.

¹¹ De alí emigrou para Asur e construíu Nínive, Rehobot-Ir, Calah

¹² e Resen, a grande cidade entre Nínive e Calah.

¹³ Exipto xerou os lidios, os anamitas, os lehabitas, os naftuhitas,

¹⁴ os patrusitas, os casluhitas e os caftoritas, dos que veñen os filisteos.

¹⁵ Canaán xerou a Sidón, seu primoxénito, a Het,

¹⁶ ós iebuseos, ós amorreos, ós guirgaxitas,

¹⁷ ós hivitas, ós arquitas, ós sinitas,

¹⁸ ós arvaditas, ós semaritas e ós hamatitas. Despois os clans dos cananeos estendéronse e

¹⁹ As súas fronteiras abranguían desde Sidón, cara a Guerar, ata Gaza, incluíndo tamén Sodoma, Gomorra, Ademah Seboim preto de Laxa.

²⁰ Estes foron os descendentes de Cam por clans e linguas, nas súas respectivas terras e nacións.

²¹ Tamén Sem tivo descendentes; o irmán máis vello de Iafet foi o pai de todos os heberitas.

²² Descendentes de Sem: Elam, Asur, Arfaxad, Lud e Aram.

²³ Descendentes de Aram: Us, Hul, Guéter e Max.

²⁴ Arfaxad tivo a Xálah e este a Héber.

²⁵ Héber tivo dous fillos: o primeiro chamábase Péleg, por razón de que nos seus días se dividiu a xente da terra; seu irmán chamábase Ioctán.

²⁶ Ioctán xerou a Almodad, a Xelef, a Haarmot, a

²⁷ Iárah, a Hadoram, a Uzal, a Diolah,

²⁸ A Obal, a Abimael, a Xebá,

²⁹ A Ofir, a Havilah e a Iobab. Todos estes eran fillos de Ioctán.

³⁰ Habitaban na montaña oriental, desde Mexá ata Sefar.

³¹ Estes foron os fillos de Sem, segundo as súas familias, linguas, países e nacións.

³² Estes foron os clans dos fillos de Noé, segundo as súas liñaxes nas propias nacións; e desde elas espalláronse os pobos pola terra, despois do diluvio.