Salmos 99 - Biblia SEPT

(98) Santo é o Señor

¹ O Señor reina, conmóvense os pobos, senta sobre querubíns, estremécese a terra.

² O Señor é grande en Sión, no cumio de todos os pobos.

³ Festexan o teu nome grande e terrible, rei poderoso, que ama a xustiza.

⁴ Ti asentas o xuízo no dereito e fas xustiza en Israel.

⁵ Enxalzade ó Señor, noso Deus, prostrádevos ós seus pés, pois santo é o Señor.

⁶ Moisés e Aharón cos sacerdotes, Samuel cos que invocaban o seu nome: invocaban ó Señor, e o Señor respondía.

⁷ Deus faloulles desde a nube, e eles gardaron as revelacións, os preceptos que lles deu.

⁸ Señor, noso Deus, ti escoitáchelos: fuches para eles o Deus que perdoa e que vinga os delitos.

⁹ Enxalzade ó Señor, noso Deus, prostrádevos ante o seu monte santo, pois santo é o Señor, noso Deus.