Salmos 87 - Biblia SEPT

(86) Cidade de Deus

1 Dos coreítas. Salmo, cántiga.

¹ Dos coreítas. Salmo, cántiga. Os seus alicerces están no monte santo:

² O Señor ama as portas de Sión máis ca todas as moradas de Xacob.

³ Gloriosas cousas dinse de ti, cidade de Deus.

⁴ Citarei a Exipto e a Babilonia entre os que me veneran; velaí os filisteos e os tirios e os mesmos etíopes que naceron alí.

⁵ De Sión hase dicir: —"Un por un naceron todos nela e fundouna o mesmo Altísimo".

⁶ O Señor escribirá no rexistro dos pobos: —"Este naceu alí".

⁷ E cantarán danzando: —"As miñas fontes están todas en ti".