Salmos 67 - Biblia SEPT

(66) Lóente os pobos todos

¹ Do mestre do coro, con instrumentos de corda. Salmo, cántiga.

² Deus se apiade de nós e nos bendiga, amósenos a luz da súa presenza.

³ Que se coñezan na terra os seus camiños e en todos os pobos a súa salvación.

⁴ Lóente, Deus, os pobos, lóente os pobos todos.

⁵ Alégrense e canten as nacións, porque ti gobernas os pobos rectamente e guías na terra as nacións.

⁶ Lóente, Deus, os pobos, lóente os pobos todos.

⁷ O agro dá os seus froitos, bendinos o noso Deus.

⁸ Que Deus nos bendiga e que o teman os confíns todos do mundo.