Salmos 54 - Biblia SEPT

(53) A miña axuda

¹ Do mestre do coro, con instrumentos de corda. Poema de David.

² Cando viñeron os de Zif dicirlle a Xaúl: David escóndese onda nós

³ Sálvame, Deus, polo teu nome, co teu poder defende a miña causa.

⁴ Escoita, Deus, a miña súplica, atende a miña palabra.

⁵ Érguense contra min homes soberbios, homes violentos buscan a miña vida, sen teren a Deus en conta.

⁶ Mais Deus é a miña axuda, o Señor é quen sostén a miña vida.

⁷ Recaia a desgraza sobre os meus perseguidores, extermínaos, pola túa fidelidade.

⁸ Eu ofrecereiche gustoso sacrificios, loareite, Señor, porque es bo.

⁹ Ti líbrasme de todos os apuros e móstrame os inimigos en desfeita.