Salmos 28 - Biblia SEPT

(27) Súplica e acción de grazas

1 De David.

¹ De David. Por ti chamo, Señor; non te fagas o xordo, miña rocha, pois se calas ti no meu caso, serei coma os que baixan á cova.

² Escoita o meu lamento, cando berro cara a ti e levanto as miñas mans cara ó teu templo.

³ Non me arrebates cos impíos e malfeitores, que saúdan coa paz ós veciños, mentres pensan mal nos adentros.

⁴ Págalles conforme os feitos e conforme a maldade das súas accións; dálles segundo a obra das súas mans, devólvelles o seu merecido.

⁵ Non contan coa acción do Señor, nin coas obras da súa man: que el os destrúa e non os restaure.

⁶ Bendito sexa o Señor, que escoita a miña súplica.

⁷ O Señor é a miña forza e o meu escudo; eu confío nel e axúdame. Alégraseme o corazón e doulle as grazas co meu canto.

⁸ O Señor é a forza do seu pobo, fortaleza de salvación do seu unxido.

⁹ Salva ó teu pobo, bendice a túa herdade, apacéntaos e lévaos por sempre.