Salmos 23 - Biblia SEPT

(22) O bo pastor

1 Salmo, de David.

¹ Salmo, de David. O Señor é o meu pastor: nada me falta.

² Os pastos verdecentes lévame a repousar, lévame a beber ás augas tranquilas:

³ El repón as miñas forzas. Guíame por vereas rectas, por mor do seu nome.

⁴ Se tiver de pasar por valgadas sombrizas, ningún mal temería, pois ti vas comigo: o teu bastón e o teu caxato son o meu sosego.

⁵ Ti pos para min a mesa, á cara dos meus inimigos; únxesme con perfume a cabeza, e a miña copa reborda.

⁶ A túa bondade e o teu amor vanme seguindo todos os días da vida. Eu habitarei na casa do Señor ó longo dos meus días.