Salmos 141 - Biblia SEPT

(140) Pon garda na miña boca

1 Salmo de David.

¹ Salmo de David. Señor, estoute a chamar: ven axiña; escoita, cando te chamo.

² Suba a miña oración coma o incenso ante ti, as miñas mans alzadas, coma a ofrenda da tarde.

³ Pon garda, Señor, na miña boca, vixilancia na porta dos meus labios.

⁴ Non deixes declinar o meu corazón cara á maldade, e que cometa delitos; nin cara ós malfeitores, e que coma dos seus banquetes.

⁵ Que os xustos me castiguen e que os bos me reprendan, pero que o óleo dos malvados non unxa a miña testa: eu seguirei pregando contra a súa maldade.

⁶ Precipitan nos penedos ós seus xuíces e escoitan por burla as miñas palabras.

⁷ Coma a terra sucada e regañada, así están espallados os nosos ósos pola boca do abismo.

⁸ Pero os meus ollos, Señor, vólvense cara a ti; a ti me acollo, non me deixes.

⁹ Gárdame do lazo que me tenden, da trampa dos malfeitores.

¹⁰ Caian nas súas mesmas redes os malvados, mentres eu logro salvarme.