Salmos 128 - Biblia SEPT

(127) Os fillos, gromos de oliveira

1 Cántiga das subidas.

¹ Cántiga das subidas. Ditosos os que temen ó Señor e van polos seus camiños.

² Cando comes do froito das túas mans, ditoso ti e afortunado.

³ A túa muller é coma parra fecunda no medio da túa casa. Os teus fillos coma gromos de oliveira arredor da túa mesa.

⁴ Así é bendito quen teme ó Señor.

⁵ Bendígate o Señor desde Sión, que vexas na prosperidade a Xerusalén todos os días da túa vida,

⁶ e que vexas os fillos de teus fillos. A paz sobre Israel!