Salmos 126 - Biblia SEPT

(125) Cando vire a sorte

1 Cántiga das subidas.

¹ Cántiga das subidas. Cando vire o Señor a sorte de Sión, estaremos coma en soños.

² Teremos a boca chea de risos e a lingua de cantares.

³ Os pagáns dirán entón: —"O Señor fai con eles cousas grandes". O Señor fai connosco cousas grandes, estamos cheos de alegría.

⁴ Vira, Señor, a nosa sorte, coma os regatos no deserto.

⁵ Os que entre bágoas sementan, entre cantares recollen.

⁶ Cando van, van chorando os que levan a semente. O viren, veñen cantando os que traen os monllos.