Salmos 121 - Biblia SEPT

(120) O teu gardián non dorme

1 Cántiga das subidas.

¹ Cántiga das subidas. Alzo os meus ollos cara ós montes: de onde virá o meu socorro?

² O meu socorro vén do Señor, que fixo o ceo e mais a terra.

³ El non deixa que esvare o teu pé, o teu gardián non dorme;

⁴ non dorme nin adormece o gardián de Israel.

⁵ O Señor é o teu gardián, o teu arrimo, sempre á túa dereita.

⁶ O sol non che fará mal polo día nin a lúa pola noite.

⁷ O Señor gárdate do mal, El garda a túa vida.

⁸ O Señor garda as túas idas e voltas, agora e por sempre.