Salmos 11 - Biblia SEPT

(10) A cadaquén o seu merecido

1 Do mestre do coro. De David.

¹ Do mestre do coro. De David. Eu busco agarimo no Señor, Como ousades aínda dicirme: —"Voa, paxaro, ó teu monte"?

² Mais os malvados tensan o arco, axustan na corda as setas, para tirar, na escuridade, contra os honrados

³ Se os fundamentos se derruban, que poden facer os xustos?

⁴ O Señor desde o seu santuario, o Señor desde a súa sede no ceo, axexa cos seus ollos ós homes, escrútaos coas súas pupilas.

⁵ O Señor proba os xustos, pero aborrece o impío e violento.

⁶ Fará chover sobre os malvados carbóns acesos e xofre; vento queimante será a súa sorte.

⁷ O Señor é xusto e ama a xustiza: os rectos gozarán da súa presenza.