1 Crónicas 3 - Biblia SEPT

Descendentes de David

¹ Velaquí os fillos de David que lle naceron en Hebrón: Amnón, o primoxénito, de Ahinoam, de Iezrael; o segundo, Daniel, de Abigail, de Carmel;

² o terceiro Abxalom, de Macah, filla de Talmai, rei de Guexur; o cuarto Adonías, fillo de Haguit;

³ o quinto Xefatías, de Abital; o sexto Itream de Eglah, a súa muller.

⁴ Estes seis nacéronlle en Hebrón. Reinou alí sete anos e seis meses, e en Xerusalén trinta e tres anos.

⁵ Velaquí os que naceron en Xerusalén: Ximá, Xobab, Natán e Salomón, os catro de Batxeba, filla de Amiel;

⁶ Aínda tivo outros nove: Ibhar, Elixamá, Elifélet,

⁷ Nogah, Nefeg, Iafía,

⁸ Elixamá, Eliadá e Elifélet.

⁹ Todos estes foron fillos de David; máis os fillos das concubinas. Tamar foi irmá de todos eles.

¹⁰ Descendentes de Salomón: Roboam, Abías, Asá, Ioxafat,

¹¹ Ioram, Ocozías,

¹² Amasías, Azarías, Iotam,

¹³ Ahaz, Ezequías, Menaxés,

¹⁴ Amón, Ioxías.

¹⁵ Fillos de Ioxías: o primoxénito, Iohanán; o segundo, Ioaquim; o terceiro, Sedecías; o cuarto, Xalum.

¹⁶ Fillos de Ioaquim: Ieconías e Sedecías.

¹⁷ Fillos de Ieconías: Asir, que foi pai de Xealtiel,

¹⁸ Malquiram, Pedaías, Xenasar, Iecamías, Hosamá, Nedabías.

¹⁹ Fillos de Pedaías: Zerubabel e Ximí. Fillos de Zerubabel: Mexulam, Ananías e Xelomit, irmá deles.

²⁰ Fillos de Mexulam: Haxubah, Ohel, Berequías, Hasadías, e Iuxab, Hésed: cinco en total.

²¹ Fillos de Ananías: Pelatías e Isaías, seu fillo; Refaías, seu fillo; Arnán, seu fillo; Abdías, seu fillo; Secanías, seu fillo.

²² Fillo de Secanías: Semaías. Fillos de Semaías: Xatús, Igal, Bariah, Nearías e Safot. En total seis.

²³ Fillos de Nearías: Elioenai, Ezequías e Azricam, tres en total.

²⁴ Fillos de Elioenai: Xodavías, Eliosib, Felaías, Akub, Xoxanán; Dalaías e Ananís, sete en total.