1 Crónicas 2 - Biblia SEPT

¹ Velaquí os fillos de Israel: Rubén, Simeón, Leví, Xudá, Isacar, Zebulón,

² Dan, Xosé, Benxamín, Naftalí, Gad e Axer.

³ Fillos de Xudá: Er, Onán e Xelah; estes tres nacéronlle da filla de Xúa, a cananea. Er, primoxénito de Xudá, foi ruín ós ollos de Iavé, quen o fixo morrer.

⁴ Tamar, nora de Xudá, deulle dous fillos: Peres e Zérah. Por xunto os fillos de Xudá son cinco.

⁵ Fillos de Peres: Hesrón e Hamul.

⁶ Fillos de Zérah: Zimrí, Etán, Hemán, Calcol e Dara. Cinco en total.

⁷ Fillo de Carmí: Acar, que turbou a Israel cando foi infiel ó anatema.

⁸ Fillo de Etán: Azarías.

⁹ Fillos que lle naceron a Hesrón: Ierahmel, Ram e Quelubai.

¹⁰ Ram xerou a Aminadab. Aminadab xerou a Nahxón, príncipe dos fillos de Xudá;

¹¹ Nahxón xerou a Salmá; Salmá xerou a Boaz;

¹² Boaz xerou a Obed; Obed xerou a Ixaí;

¹³ Ixaí xerou a Eliab, o seu primoxénito; a Abinadab, o segundo; a Ximá, o terceiro;

¹⁴ A Netanel, o cuarto; a Radai, o quinto;

¹⁵ A Osem, o sexto; e a David, o sétimo.

¹⁶ As súas irmás foron Seruiah e Abigail. Fillos de Seruiah: Abixai, Ioab e Asael: en total, tres.

¹⁷ Abigail pariu a Amasá, sendo seu pai Iéter, o ismaelita.

¹⁸ Caleb, fillo de Hesrón, tivo fillos de Azubah e foron: Iéxer, Xobab e Ardón.

¹⁹ Cando morreu Azubah, Caleb tomou por muller a Efratah, que lle deu a Hur.

²⁰ Hur xerou a Urí, e Urí xerou a Besalel.

²¹ Logo, Hesrón coñeceu á filla de Maquir, pai de Galaad, cando tiña sesenta anos, da que naceu Segub.

²² Segub xerou a Iaír, que tivo vinte e tres cidades na terra de Galaad,

²³ e arrebatou a Guexur e a Aram as vilas de Iaír, Quenat, e as cidades da súa dependencia: sesenta cidades. Todo isto pertencía a Maquir, pai de Galaad.

²⁴ Despois da morte de Hesrón, Caleb uniuse a Efratah, muller de seu pai Hesrón, da que tivo Axhur, fundador de Tecoa.

²⁵ Os fillos de Ierahmel, o primoxénito de Hesrón, foron: Ram o primoxénito, e Bunah e Orén, seus irmáns.

²⁶ Ierahmel tivo outra muller chamada Atarah, que foi nai de Onam.

²⁷ Os fillos de Ram, primoxénitos de Ierahmel, foron: Maas, Iamín e Équer.

²⁸ Os fillos de Onam foron: Xamai e Iadá. Fillos de Xamai: Nadab e Abixur.

²⁹ O nome da muller de Abixur era Abigail, da que tivo a Ahbán e Molid.

³⁰ Fillos de Nadab: Séled e Apaim. Séled morreu sen fillos.

³¹ Fillos de Apaim: Ixí. Fillo de Ixí: Xexán. Fillo de Xexán: Ahlai.

³² Fillos de Iadá, irmán de Xamai: Iéter e Ionatán. Iéter morreu sen fillos.

³³ Fillos de Ionatán: Pélet e Zazá. Estes son os fillos de Ierahmel.

³⁴ Xexán non tivo fillos, pero si fillas. Xexán tiña un escravo exipcio chamado Iarhá,

³⁵ ó que lle deu a súa filla por muller e de quen naceu Atai.

³⁶ Atai xerou a Natán, e Natán xerou a Zabad;

³⁷ Zabad xerou a Eflal; Eflal xerou a Obed;

³⁸ Obed xerou a Iehú; Iehú xerou a Azarías;

³⁹ Azarías xerou a Hales; Hales xerou a Elasah.

⁴⁰ Elasah xerou a Sismai; Sismai xerou a Xalum;

⁴¹ Xalum xerou a Iecamías; Iecamías xerou a Elixamá.

⁴² Fillos de Caleb, irmán de Ierahmel: Mesá, o seu primoxénito, que foi pai de Zif e Marexah, pai de Hebrón.

⁴³ Fillos de Hebrón: Córah, Tapúah, Réquem e Xama.

⁴⁴ Xama xerou a Ráham, pai de Iorqueam; Réquem xerou a Xamai.

⁴⁵ Fillo de Xamai: Maón, fundador de Bet—Sur.

⁴⁶ Efah, concubina de Caleb, tivo a Harán, Mosá e Gazez. Harán xerou a Gazez.

⁴⁷ Fillos de Iahdai: Réquem, Iotam, Guexam, Pélet, Efah e Xáaf.

⁴⁸ Macah, concubina de Caleb, tivo a Xéber e Tirhanah.

⁴⁹ Tamén pariu a Xáaf, fundador de Madmanah, e a Xevá, fundador de Macbenah e de Guibá. Filla de Caleb foi Acsah.

⁵⁰ Estes foron os fillos de Caleb, fillo de Hur, primoxénito de Efratah: Xobal, fundador de Quiriat—Iearim.

⁵¹ Salmá, fundador de Belén; Háref, fundador de Bet—Gader.

⁵² Xobal, fundador de Quiriat—Iearim, foi pai de Haroeh, de xeito que tivo a metade dos menuhitas.

⁵³ As familias de Quiriat—Iearim foron os futieos, os xumateos, e os miraítas. Destas familias saíron os saratitas e os extaolitas.

⁵⁴ Fillos de Salmá: Belén e os netofateos; Atarot, Bet—Ioab, a metade dos manahteos e os soritas.

⁵⁵ Familias de escribas que viven en Iabés: os tirateos, os ximateos e os sucateos. Estes eran os quenitas, descendentes de Hamat, pai dos recabitas.