Тооллого 26 - Ариун Библи 2013

Шинэ үеийнхнийг тоолсон нь

¹ Гамшгийн дараа Мосе ба тахилч Аароны хүү Елеазар нартай ЭЗЭН ярин —

² Израиль дотор дайнд явж чадах, хорь ба түүнээс дээш насны хүн бүрийг эцгүүдийнх нь бүлээр тоолж, Израилийн хөвгүүдийн даяар хотол түмний нийлбэр тоог авагтун гэв.

³ Тиймээс Иерихогийн харалдаа, Иорданы зэргэлдээх Моабын талд Мосе болон тахилч Елеазар нар тэдэнтэй ярин —

⁴ Мосед ЭЗЭНий тушаасан ёсоор хорь ба түүнээс дээш насны, Египет нутгаас гарсан Израилийн хөвгүүдийг тоологтун гэлээ.

⁵ Израилийн ууган хүү Реубен бөгөөд Реубений хөвгүүд нь Ханохаас гарсан ханохчуудын ураг, Паллугаас гарсан паллучуудын ураг,

⁶ Хезроноос гарсан хезрончуудын ураг, Кармигаас гарсан кармичуудын ураг байв.

⁷ Эдгээр нь реубенчүүдийн ураг ба тэдний тоолуулсан хүмүүс дөчин гурван мянга долоон зуун гуч байлаа.

⁸ Паллугийн хүү нь Елиаб байв.

⁹ Елиабын хөвгүүд нь Немуел Датан Абирам нар юм. Датан Абирам нар хотол түмнээс дуудагдаж, ЭЗЭНий эсрэг тэмцэлдэхдээ Коратай нөхөрлөн Мосе Аарон нарын эсрэг тэмцэлдсэн хүмүүс байлаа.

¹⁰ Газар амаа нээн тэднийг Коратай хамт залгисан юм. Гал хоёр зуун тавин хүнийг залгин, тэд үхэж, анхааруулга болжээ.

¹¹ Гэвч Корагийн хөвгүүд үхээгүй байлаа.

¹² Симеоны хөвгүүд ургийнхаа дагуу Немуелээс гарсан немуелчүүдийн ураг, Иаминаас гарсан иаминчуудын ураг, Иахинаас гарсан иахинчуудын ураг,

¹³ Зерагаас гарсан зерачуудын ураг, Шаулаас гарсан шаулчуудын ураг байв.

¹⁴ Эдгээр нь симеончуудын ураг бөгөөд хорин хоёр мянга хоёр зуун хүн болой.

¹⁵ Гадын хөвгүүд ургийнхаа дагуу Зефоноос гарсан зефончуудын ураг, Хаггигаас гарсан хаггичуудын ураг, Шунигээс гарсан шуничүүдийн ураг,

¹⁶ Ознигоос гарсан озничуудын ураг, Ериэс гарсан еричүүдийн ураг,

¹⁷ Ародаас гарсан ародчуудын ураг, Арелиас гарсан ареличуудын ураг байв.

¹⁸ Эдгээр нь тоолуулсан хүмүүсийн дагуу Гадын хөвгүүдийн ураг бөгөөд дөчин мянга таван зуун хүн байв.

¹⁹ Иудагийн хөвгүүд нь Ер Онан нар байв. Гэвч Ер Онан нар Канаан нутагт үхсэн.

²⁰ Иудагийн хөвгүүд ургийнхаа дагуу Шелагаас гарсан шелачуудын ураг, Перезээс гарсан перезчүүдийн ураг, Зерагаас гарсан зерачуудын ураг байв.

²¹ Перезийн хөвгүүд нь Хезроноос гарсан хезрончуудын ураг, Хамулаас гарсан хамулчуудын ураг байлаа.

²² Эдгээр нь тоолуулсан хүмүүсийн дагуу Иудагийн ургууд бөгөөд далан зургаан мянга таван зуун хүн байв.

²³ Иссахарын хөвгүүд ургийнхаа дагуу Толагаас гарсан толачуудын ураг, Пувагаас гарсан пувачуудын ураг,

²⁴ Иашубаас гарсан иашубчуудын ураг, Шимроноос гарсан шимрончуудын ураг байв.

²⁵ Эдгээр нь тоолуулсан хүмүүсийн дагуу Иссахарын ургууд бөгөөд жаран дөрвөн мянга гурван зуун хүн байв.

²⁶ Зебулуны хөвгүүд ургийнхаа дагуу Середээс гарсан середчүүдийн ураг, Елоноос гарсан елончуудын ураг, Иахлеелаас гарсан иахлеелчуудын ураг байв.

²⁷ Эдгээр нь тоолуулсан хүмүүсийн дагуу зебулунчуудын ураг бөгөөд жаран мянга таван зуун хүн байв.

²⁸ Иосефын хөвгүүд ургийнхаа дагуу Манассе, Ефраим нар байлаа.

²⁹ Манассегийн хөвгүүд нь Махираас гарсан махирчуудын ураг юм. Махир нь Гилеадын эцэг болжээ. Гилеадаас гилеадчуудын ураг гарсан билээ.

³⁰ Гилеадын хөвгүүд нь Иезерээс гарсан иезерчүүдийн ураг, Хелекээс гарсан хелекчүүдийн ураг,

³¹ Асриелаас гарсан асриелчуудын ураг, Шехемээс гарсан шехемчүүдийн ураг,

³² Шемидагаас гарсан шемидачуудын ураг, Хеферээс гарсан хеферчүүдийн ураг байв.

³³ Хеферийн хүү Зелофехад нь ямар ч хүүгүй, харин зөвхөн охидтой байжээ. Зелофехадын охидын нэрс нь Махла, Ноа, Хогла, Милка, Тирза болой.

³⁴ Эдгээр нь Манассегийн ургууд байв. Тэднээс тоолуулсан хүмүүс нь тавин хоёр мянга долоон зуу байв.

³⁵ Ефраимын хөвгүүд нь ургийнхаа дагуу Шутелагаас гарсан шутелачуудын ураг, Бехерээс гарсан бехерчүүдийн ураг, Таханаас гарсан таханчуудын ураг байв.

³⁶ Шутелагийн хөвгүүд нь Еранаас гарсан еранчуудын ураг байлаа.

³⁷ Эдгээр нь тоолуулсан хүмүүсийн дагуу Ефраимын хөвгүүдийн ураг бөгөөд гучин хоёр мянга таван зуун хүн байв. Эд ургийнхаа дагуу Иосефын хөвгүүд болой.

³⁸ Бениамины хөвгүүд нь ургийнхаа дагуу Белагаас гарсан белачуудын ураг, Ашбелаас гарсан ашбелчуудын ураг, Ахирамаас гарсан ахирамчуудын ураг,

³⁹ Шефуфамаас гарсан шефуфамчуудын ураг, Хуфамаас гарсан хуфамчуудын ураг байв.

⁴⁰ Белагийн хөвгүүд нь Ард Нааман нар байв. Ардаас ардчуудын ураг, Нааманаас нааманчуудын ураг гарсан билээ.

⁴¹ Эдгээр нь ургийнхаа дагуу Бениамины хөвгүүд юм. Тэднээс тоолуулсан хүмүүс нь дөчин таван мянга зургаан зуу байлаа.

⁴² Даны хөвгүүд нь ургийнхаа дагуу Шухамаас гарсан шухамчуудын ураг байлаа. Эдгээр нь ургуудынхаа дагуу Даны ураг билээ.

⁴³ Тоолуулсан хүмүүсийн дагуу шухамчуудын бүх ураг нь жаран дөрвөн мянга дөрвөн зуу байлаа.

⁴⁴ Ашерын хөвгүүд нь ургийнхаа дагуу Имнагаас гарсан имначүүдийн ураг, Ишвигээс гарсан ишвичүүдийн ураг, Бериагаас гарсан бериачуудын ураг байв.

⁴⁵ Бериагийн хөвгүүдээс, Хеберээс гарсан хеберчүүдийн ураг, Малхиелаас гарсан малхиелчуудын ураг байв.

⁴⁶ Ашерын охины нэрийг Сера гэдэг байв.

⁴⁷ Эдгээр нь тоолуулсан хүмүүсийн дагуу Ашерын хөвгүүдийн ураг бөгөөд тавин гурван мянга дөрвөн зуу байлаа.

⁴⁸ Нафталийн хөвгүүд нь ургийнхаа дагуу Иахзеелаас гарсан иахзеелчуудын ураг, Гунигээс гарсан гуничүүдийн ураг,

⁴⁹ Иезерээс гарсан иезерчүүдийн ураг, Шиллемээс гарсан шиллемчүүдийн ураг байв.

⁵⁰ Эдгээр нь ургуудынхаа дагуу Нафталийн ургууд юм. Тэднээс тоолуулсан хүмүүс нь дөчин таван мянга дөрвөн зуу байв.

⁵¹ Израилийн хөвгүүдээс тоолуулсан зургаан зуун нэг мянга долоон зуун гучин хүн байлаа.

⁵² ЭЗЭН, Мосетэй ярин —

⁵³ Газар нутгийг эдгээрийн дунд нэр нэрээр нь өв болгон хуваах болой.

⁵⁴ Олуулаад нь өвийг ихэсгэж, цөөхүүлээд нь өвийг багасгагтун. Тэднээс тоолуулсан хүнийх нь дагуу тусбүрд нь өв өгөгдөх болой.

⁵⁵ Гэвч нутгийг шавгаар хуваах ёстой. Тэд эцгүүдийнхээ овгийн нэрсийн дагуу өөрсдийн өвийг хүлээн авах болой.

⁵⁶ Шавга буусны дагуу тэдний өв нь олонтой цөөнтэй бүлгүүдийн хооронд хуваагдах юм гэв.

⁵⁷ Левичүүдээс ургийнхаа дагуу тоолуулсан хүмүүс Гершоноос гарсан гершончуудын ураг, Кохатаас гарсан кохатчуудын ураг, Мерариас гарсан мераричуудын ураг байв.

⁵⁸ Левийн ургууд нь либничүүдийн ураг, хебрончуудын ураг, махличуудын ураг, мушичүүдийн ураг, корачуудын ураг байлаа. Кохат нь Амрамын эцэг болжээ.

⁵⁹ Амрамын эхнэрийн нэрийг Левийн охин Иохебед гэдэг байв. Тэр Египетэд Левид төрсөн юм. Тэрээр Аарон, Мосе мөн тэдний эгч Мириамыг Амрамд төрүүлж өгчээ.

⁶⁰ Ааронд Надаб ба Абиху, Елеазар ба Итамар нар төрөв.

⁶¹ Харин Надаб Абиху хоёр ЭЗЭНий өмнө ёс бус галыг өргөхдөө үхсэн юм.

⁶² Тэднээс тоолуулсан нэг сар ба түүнээс дээш насны бүх эр хүйстэн нь хорин гурван мянга байв. Израилийн хөвгүүдийн дунд тэдэнд өв өгөгдөөгүй учир тэд Израилийн хөвгүүдийн дунд тоолуулсангүй.

⁶³ Иерихогийн харалдаа, Иорданы зэргэлдээх Моабын талд Израилийн хөвгүүдийг тоолсон Мосе болон тахилч Елеазараар тоолуулсан хүмүүс энэ болой.

⁶⁴ Харин Синаин цөлд Израилийн хөвгүүдийг тоолсон Мосе болон тахилч Ааронаар тоолуулсан хүмүүс тэдний дунд үгүй байлаа.

⁶⁵ Учир нь ЭЗЭН тэдний тухайд —Тэд цөлд зайлшгүй үхэх болно гэж айлдсан. Иефуннегийн хүү Калеб болон Нуны хүү Иошуагаас өөр нэг ч хүн тэднээс үлдээгүй ажээ.