Иона 2 - Ариун Библи 2013

Талархлын дуулал

¹ Тэгээд Иона загасны гэдсэн дотроос, Бурхан ЭЗЭНдээ залбиран

² хэлэхдээ: —Зовлон шаналангийн дундаас ЭЗЭНийг дуудахад Тэр надад хариуллаа. Үхэгсдийн орны гүнээс тусламж гуйн хашхирахад Та дууг минь сонслоо.

³ Та намайг гүн уруу, Далайн зүрхэнд хаясанд Усны урсгал намайг нөмөрчээ. Таны бүх долгион, их давалгаа дээгүүр минь өнгөрсөн.

⁴ “Би мэлмийнээс тань зайлуулагдсан ч Ариун сүмийг тань дахин үзнэ” гэж би хэлэв.

⁵ Ус намайг аминд хүртэл хүрээлж, Оёоргүй гүн намайг нөмөрч, Толгойг минь замаг

⁶ Уулсын уг уруу ороов. Хөндөл нь надад үүрд хаалттай Тэр газар уруу би уруудлаа. Гэсэн ч Бурхан ЭЗЭН минь, Амийг минь Та нүхнээс гаргалаа.

⁷ Ухаан балартах үедээ ЭЗЭНийг би санав. Залбирал минь Танд, Ариун сүмд тань хүрлээ.

⁸ Хоосон шүтээнүүдийг хүндэтгэгчид Итгэмжит байдлаа умартдаг бол

⁹ Талархлын дуугаар Танд Тахил өргөнө, би. Тангараг юугаа биелүүлнэ, би. Аврал ЭЗЭНээс ирдэг! гэхэд

¹⁰ ЭЗЭН загасанд тушааж тэрээр Ионаг хуурай газар бөөлжин гаргав.