Дуулал 54 - Ариун Библи 2013

Дэмжлэг эрсэн залбирал

Удирдаачид. Чавхдаст хөгжимд. Зифчүүд Саулд “Давид бидний дунд нуугджээ” гэх үеийн Давидын маскил.

¹ Бурхан, Өөрийн нэрээр намайг аварч, Хүч чадлаараа намайг нотолж өгөөч.

² Бурхан, залбирлыг минь сонсооч. Амны минь үгст чих тавиач.

³ Учир нь харь хүмүүс миний эсрэг боссон бөгөөд Хэрцгий хүмүүс амийг минь эрж байна. Тэд Бурханыг урдаа залдаггүй хүмүүс юм. Села

⁴ Харагтун, Бурхан миний туслагч Эзэн бол амийг минь тэтгэгч

⁵ Тэрээр буцаана, дайснуудад минь ёрын мууг буцаана. Үнэн дотроо тэднийг устгаач.

⁶ Би сайн дурын тахилыг Танд нядлан тахина. ЭЗЭН, Таны нэр сайн учир би магтана.

⁷ Тэр намайг зовлон шаналан бүгдээс аварсан бөгөөд Би дайснуудаа нүдээрээ харсан.