Дуулал 3 - Ариун Библи 2013

Зовлон дундах итгэл

Хүү Абсаломаасаа зугтах үеийн Давидын дуулал.

¹ Өстнүүд минь юутай олширно, ЭЗЭН! Өөдөөс минь олуул босжээ.

² Булт олон миний тухайд “Бурханы аврал түүнд үгүй” гэлцэнэ. Села

³ Гэвч ЭЗЭН, наддаа халхавч бамбай, миний цог жавхлан, тэргүүнийг минь өргөгч.

⁴ Өндөр дуугаар ЭЗЭНд би хашхирахуй Өөрийнхөө ариун уулаас надад Тэр хариулавай. Села

⁵ Хэвтээд л би унтдаг, Эргээд бас сэрдэг нь ЭЗЭН намайг түшдэгийнх.

⁶ Тойрч бүслээд ирсэн түмэн хүнээс ч би айхгүй.

⁷ ЭЗЭН, босооч! Ээ Бурхан минь, намайг авраач! Бүх дайсны минь эрүүг Та дэлсмү. Буруутын шүдийг яйруулму.

⁸ Аврал бол ЭЗЭНийх авай Ард түмнийхээ дээр ерөөл тань атугай! Села