Дуулал 16 - Ариун Библи 2013

Итгэлийн дуу ба Бурханы хамгаалалт

Давидын миктам.

¹ Намайг хамгаалаач Бурхан, Учир нь Таны дотор би хоргоддог.

² Би ЭЗЭНд “Та миний Эзэн Танаас өөр сайн сайхан гэж надад үгүй” гэж хэлэв.

³ Газар дэлхийд байгаа ариун хүмүүсийн тухайд Тэд гойд сайн бөгөөд Бүх баяр жаргал минь тэдэнд байдаг.

⁴ Өөр юмс шүтэгсдийн үйл лай үржинэ. Ундаан өргөлийг нь цусаар би өргөхгүй, Уруулаараа нэрийг нь ч гаргахгүй.

⁵ ЭЗЭН миний өвийн ба Аяганы минь хувь юм. Та хувь ногдлыг минь тэтгэнэм.

⁶ Надад тааламжтай газарт зураасуудыг татжээ. Өв минь наддаа үнэхээр сайхан

⁷ Надад зөвлөсөн ЭЗЭНийг би магтму Шөнөөр ч оюун бодол минь намайг сургаму.

⁸ ЭЗЭН өмнө минь үргэлж байсан. Тэр миний баруун талд байдаг учраас Би ганхахгүй.

⁹ Тиймээс зүрх минь баярлаж, Алдар минь баясна. Бие махбод минь ч Аюулгүй оршино.

¹⁰ Учир нь Та намайг Үхэгсдийн оронд орхихгүй Ариун Нэгэндээ нүх үзүүлэхгүй.

¹¹ Өөрт минь Та амийн замыг таниулна Өөрийн тань оршихуйд л баяр хөөр дүүрэн Таны баруун мутарт Баяр жаргал үүрд байдаг.