Дуулал 137 - Ариун Библи 2013

Иерусалимын сүйрэлд гашуудахуй

¹ Вавилоны гол мөрнүүдийн дэргэд Тэнд бид суугаад Сионыг санахдаа уйлав.

² Уд модонд, тэдэн дунд ятга хөгжмүүдээ бид өлгөв.

³ Учир нь олзлогчид маань тэнд биднээс дуун найргийг Зовоогчид маань зугаа цэнгэлийг нэхэн “Сионы дуунаас бидэнд дуулж өг” хэмээв.

⁴ Бид ЭЗЭНий дууг Харь нутагт хэрхэн дуулах вэ?

⁵ Иерусалим аа, чамайг мартах аваас баруун гар минь хатаг.

⁶ Чамайг би эс санах аваас, Хамгийн дээд баясгалангаасаа илүүгээр Иерусалимыг үл өргөмжилвөөс Хэл минь тагнайдаа наалдаг.

⁷ Аяа ЭЗЭН, Иерусалимын өдөр едомчууд “Нураа, суурь хүртэл нь нураа” гэцгээж байсныг санаач.

⁸ Сүйрэгч болох Вавилон охин оо, Бидэнд үйлдсэн ёсоор чинь Чамд хариулагч нь азтай яа!

⁹ Нялхсыг чинь булаагаад Хад уруу шидэгч нь азтай яа!