Дуулал 130 - Ариун Библи 2013

Тэнгэрлэг авралыг хүлээхүй

Өгсөх дуу.

¹ Аяа, ЭЗЭН, би гүнээс Тан уруу хашхирна!

² Эзэн, дуу хоолойг минь сонсооч! Миний гуйлтын дуунд Чихээ зөөлөн байлгаач!

³ ЭЗЭН, хэрэв Та хилэнцийг тооцвоос, Аяа, Эзэн, хэн тэсвэрлэн зогсож чадах вэ?

⁴ Харин Танаас эмээхийн тулд Уучлал нь Танд байдаг билээ.

⁵ Би ЭЗЭНийг хүлээдэг, Сэтгэл минь ч хүлээдэг бөгөөд Үгэнд нь би найддаг билээ.

⁶ Манаач хүн өглөө болохыг хүлээхээс ч илүүгээр Сэтгэл минь ЭЗЭНийг хүлээнэм, Манаач хүн өглөөг хүлээхээс ч илүүгээр.

⁷ Израиль аа, ЭЗЭНд найдагтун! Учир нь ЭЗЭНд хайр энэрэл хийгээд Арвин золилт буй.

⁸ Тэрээр Израилийг Бүх хилэнцээс нь золино.