Дуулал 127 - Ариун Библи 2013

Бурханы ивээл орон гэрт

Соломоны өгсөх дуу.

¹ ЭЗЭН гэрийг барьж байгуулахаас нааш Түүнийг байгуулагчид дэмий хөдөлмөрлөнө. ЭЗЭН хотыг хамгаалахаас нааш Манаач хүн дэмий л сэрүүн байна.

² Хайрладаг хүндээ Тэр нойрыг ч өгдөг атал Харин та нар эрт босож, оройттол суугаад, Зүтгэж олсон талхаа идэх нь Зүгээр л дэмий аж

³ Харагтун, үр хүүхэд ЭЗЭНээс ирэх өв, Умайн үр жимс нь шагнал болой.

⁴ Залуу хүний хөвгүүд Дайчны гарт буй сум адил.

⁵ Тэднээр саадгаа дүүргэсэн хүн Юутай ерөөлтэй вэ! Үүд хаалган дээр дайснуудтайгаа тэд ярилцах үедээ Ичгүүрт эс ормой.