Дуулал 12 - Ариун Библи 2013

Нүгэлт цаг үеийн гуйлт

Удирдаачид. Шеминитийн дагуу. Давидын дуулал.

¹ Туслаач ЭЗЭН, Сүсэг бишрэлтэн тасарч, Хүний хөвгүүдийн дундаас итгэлтэн үгүй боллоо.

² Тэд бие биендээ худал хэлж Тэд зусардагч уруулаараа Хоёр санаа гарган ярьдаг.

³ Бүх зусардагч уруулыг, Сайрхан яригч хэлийг ЭЗЭН таслах болтугай.

⁴ Тэд “Бид хэлээрээ ялна Уруул маань биднийх юм Хэн биднийг захирах юм?” гэжээ.

⁵ ЭЗЭН “Сул доройн дарлагдал, Гачигдагсдын ёолох дуунаас болж Би босож, хүссэн аюулгүй газарт нь түүнийг тавина” гэдэг.

⁶ Шавар хайлуурт тунгаагдаж, Долоо тунгаасан мөнгө мэт ЭЗЭНий амлалт цэвэр юм.

⁷ ЭЗЭН, Та тэднийг хамгаална Та эдүгээ үеийнхнээс мөнхөд хүртэл тэднийг хадгална.

⁸ Олиггүй этгээдүүд хүний хөвгүүдийн дунд өргөмжлөгдөхөд Буруу хүмүүс эргэн тойронд нь явдаг.