Дуулал 11 - Ариун Библи 2013

Итгэлийн дуу

Удирдаачид. Давидын дуулал.

¹ ЭЗЭН дотор би хоргодном “Уулын зүг шувуу шиг зугт” гэж Та нар яаж хэлж чадна вэ!

² Харагтун, гэм буруутнууд нумаа хөвчилж, Сумаа тавихаар зэхэж байгаа нь Зөв шударга зүрхтэй нэгэн уруу Харанхуйд харвахын тулд болой.

³ Хэрэв сууриуд устгагдвал Зөв шударга нэгэн юу хийж чадах вэ?

⁴ ЭЗЭН ариун сүмдээ байна ЭЗЭНий сэнтий тэнгэрт байна. Түүний мэлмий хүмүүнийг ажиглаж, харц нь шалгадаг.

⁵ Зөвтийг хийгээд буруутыг ЭЗЭН шалгадаг бөгөөд Хүчирхийлэлд дурлагчийг Түүний сэтгэл үзэн яддаг билээ.

⁶ Буруут дээр Тэрээр урхи буулгах бөгөөд Гал, хүхэр ба түлэх салхи Тэдний аяганы хувь хишиг болох юм.

⁷ ЭЗЭН зөвт, Тэрээр зөв үйлдэлд дуртай Шударга нэгэн Түүний царайг харах болно.