1Шастир 6 - Ариун Библи 2013

Левийн үр удам

¹ Левийн хөвгүүд нь Гершон, Кохат, Мерари билээ.

² Кохатын хөвгүүд нь Амрам, Изхар, Хеброн, Уззиел нар билээ.

³ Амрамын хүүхдүүд нь Аарон, Мосе, Мириам билээ. Аароны хөвгүүд нь Надаб, Абиху, Елеазар, Итамар нар билээ.

⁴ Елеазар нь Финехасыг, Финехас нь Абишуаг төрүүлжээ.

⁵ Абишуа нь Буккийг, Букки нь Уззийг төрүүлжээ.

⁶ Уззи нь Зерахиагийн, Зерахиа нь Мераиотын эцэг болж,

⁷ Мераиот нь Амариаг, Амариа нь Ахитубыг төрүүлжээ.

⁸ Ахитуб нь Задокийг, Задок нь Ахимаазын эцэг болж,

⁹ Ахимааз нь Азариагийн, Азариа нь Иохананы эцэг болов.

¹⁰ Иоханан нь Азариаг төрүүлжээ. Иерусалимд Соломоны барьсан сүмд Азариа тахилчийн үйлчлэлд байв.

¹¹ Азариа Амариагийн, Амариа нь Ахитубын эцэг болж,

¹² Ахитуб Задокийг, Задок нь Шаллумыг төрүүлжээ.

¹³ Шаллум Хилкиаг, Хилкиа нь Азариаг,

¹⁴ Азариа нь Сераиаг, Сераиа нь Иехозадакийг төрүүлжээ.

¹⁵ ЭЗЭН Небухаднезараар дамжуулан Иуда, Иерусалимыг цөлөхөд Иехозадак ч мөн явсан юм.

¹⁶ Левийн хөвгүүд нь Гершом, Кохат, Мерари нар юм.

¹⁷ Гершомын хөвгүүдийн нэрс нь Либни, Шимеи юм.

¹⁸ Кохатын хөвгүүд нь Амрам, Изхар, Хеброн, Уззиел билээ.

¹⁹ Мерарийн хөвгүүд нь Махли, Муши юм. Эцгүүдийнх нь бүлийн дагуу левичүүдийн гэрүүд эд нар юм.

²⁰ Гершомынх нь Либни бөгөөд түүний хүү нь Иахат, түүний хүү нь Зимма,

²¹ түүний хүү нь Иоа, түүний хүү нь Иддо, түүний хүү нь Зера, түүний хүү нь Иеатераи билээ.

²² Кохатын хүү нь Амминадаб, түүний хүү нь Кора, түүний хүү нь Ассир,

²³ түүний хүү нь Елкана, түүний хүү нь Ебиасаф, түүний хүү нь Ассир,

²⁴ түүний хүү нь Тахат, түүний хүү нь Уриел, түүний хүү нь Уззиа, түүний хүү нь Шаул билээ.

²⁵ Елканагийн хөвгүүд нь Амасаи, Ахимот,

²⁶ Елканагийн хувьд түүний хүү нь Зофаи, түүний хүү нь Нахат,

²⁷ түүний хүү нь Елиаб, түүний хүү нь Иерохам, түүний хүү нь Елкана юм.

²⁸ Самуелын хөвгүүдийн ууган нь Иоел, удаах нь Абиа байв.

²⁹ Мерарийн хүү нь Махли, түүний хүү нь Либни, түүний хүү нь Шимеи, түүний хүү нь Узза,

³⁰ түүний хүү нь Шимеа, түүний хүү нь Хаггиа, түүний хүү нь Асаиа билээ.

Давидын сонгосон хөгжимчид

³¹ Эдгээр нь авдрыг байрлуулсны дараа ЭЗЭНий өргөөнөө дууны үйлчлэлд Давидын томилсон хүмүүс бөгөөд

³² Соломон, Иерусалимд ЭЗЭНий сүмийг барих үе хүртэл тэд уулзалтын майхан асрын өмнө дуулах ажлыг хийж байв. Тэд өөрсдийн хэргэмийн дагуу үүргээ гүйцэтгэжээ.

³³ Өөрсдийн хөвгүүдийн хамт үйлчлэгчид нь дараах билээ. Кохатчуудын хөвгүүдээс хүү Хеман нь дуучин бөгөөд тэрээр Иоелын хүү юм. Иоел нь Самуелын хүү,

³⁴ Самуел нь Елканагийн хүү, Елкана нь Иерохамын хүү, Иерохам нь Елиелийн хүү, Елиел нь Тоагийн хүү билээ.

³⁵ Тоа нь Зуфын хүү, Зуф нь Елканагийн хүү, Елкана нь Махатын хүү, Махат нь Амасаигийн хүү,

³⁶ Амасаи нь Елканагийн хүү, Елкана нь Иоелын хүү, Иоел нь Азариагийн хүү, Азариа нь Зефаниагийн хүү,

³⁷ Зефана нь Тахатын хүү, Тахат нь Ассирын хүү, Ассир нь Ебиасафын хүү, Ебиасаф нь Корагийн хүү,

³⁸ Кора нь Изхарын хүү, Изхар нь Кохатын хүү, Кохат нь Левийн хүү, Леви нь Израилийн хүү билээ.

³⁹ Хеманы ах дүү Асаф нь түүний баруун талд зогсох болсон юм. Асаф нь Берехиагийн хүү, Берехиа нь Шимеагийн хүү,

⁴⁰ Шимеа нь Михаелын хүү, Михаел нь Баасеиагийн хүү, Баасеиа нь Малхиагийн хүү,

⁴¹ Малхиа нь Етнийн хүү, Етни нь Зерагийн хүү, Зера нь Адаиагийн хүү,

⁴² Адаиа нь Етаны хүү, Етан нь Зиммагийн хүү, Зимма нь Шимеигийн хүү,

⁴³ Шимеи нь Иахатын хүү, Иахат нь Гершомын хүү, Гершом нь Левийн хүү.

⁴⁴ Зүүн талд нь байх тэдний хамаатан, Мерарийн хөвгүүн нь Етан бөгөөд тэр нь Кишийн хүү, Киши нь Абдийн хүү, Абди нь Маллухын хүү,

⁴⁵ Маллух нь Хашабиагийн хүү, Хашабиа нь Амазиагийн хүү, Амазиа нь Хилкиагийн хүү,

⁴⁶ Хилкиа нь Амзийн хүү, Амзи нь Банийн хүү, Бани нь Шемерийн хүү,

⁴⁷ Шемер нь Махлийн хүү, Махли нь Мушийн хүү, Муши нь Мерарийн хүү, Мерари нь Левийн хүү билээ.

⁴⁸ Тэдний хамаатан левичүүд нь Бурханы гэрийн асар дахь бүх үйлчлэлд томилогдсон ажээ.

⁴⁹ Харин Аарон болон түүний хөвгүүд нь шатаалт тахилын ширээ, утлагын ширээн дээр утах, тахил өргөх ажил, ариунаас ариун газрын бүх ажил, тухайлбал Израилийн төлөө эвлэрүүлгийн ажлыг Бурханы зарц Мосегийн заасны дагуу хийдэг юм.

⁵⁰ Аароны хөвгүүдийг тоочвол; түүний хүү нь Елеазар, түүний хүү нь Финехас, түүний хүү нь Абишуа,

⁵¹ түүний хүү нь Букки, түүний хүү нь Уззи, түүний хүү нь Зерахиа,

⁵² түүний хүү нь Мераиот, түүний хүү нь Амариа, түүний хүү нь Ахитуб,

⁵³ түүний хүү нь Задок, түүний хүү нь Ахимааз.

Левийнхний нутагшил

⁵⁴ Тэдний хил хязгаар доторх хуарангуудынх нь дагуу тэдний нутагшил нь дараах билээ. Анхны шавга тэднийх байсан тул Кохатын ургийн Аароны хөвгүүдэд

⁵⁵ тэд Иудагийн нутаг дахь Хеброныг ойр орчмын бэлчээртэй нь өгөв.

⁵⁶ Харин тэр хотын тариан талбай, тосгодыг нь Иефуннегийн хүү Калебт тэд өгчээ.

⁵⁷ Аароны хөвгүүдэд дараах хоргодох хотуудыг өгсөн юм. Хеброн, Либнаг бэлчээрийнх нь хамт, Иаттир, Ештемоаг бэлчээртэй нь,

⁵⁸ Хиленийг бэлчээртэй нь, Дебирийг бэлчээртэй нь,

⁵⁹ Ашаныг бэлчээртэй нь, Бет-шемешийг бэлчээртэй нь,

⁶⁰ мөн Бениамины овгоос Гебаг бэлчээртэй нь, Алеметыг бэлчээртэй нь, Анатотыг бэлчээртэй нь өгөв. Тэдний өрхүүдэд ногдсон хотууд нь бүгд арван гурав байв.

⁶¹ Дараа нь Кохатын хөвгүүдийн үлдсэн нь Манассегийн тал болох хагас овгоос буюу овгийн өрхүүдээс арван хотыг шодож авав.

⁶² Гершомын хөвгүүд ургуудынхаа дагуу арван гурван хотыг Иссахар овгоос, Ашер овгоос, Нафтали овгоос мөн Башан дахь Манассегийн овгоос авсан юм.

⁶³ Мерарийн хөвгүүд ургуудынхаа дагуу шодож Реубен овог, Гад овог, Зебулуны овгоос арван хоёр хотыг авав.

⁶⁴ Ийнхүү Израилийн хөвгүүд нь левичүүдэд хотуудыг бэлчээртэй нь өгчээ.

⁶⁵ Тэд шодоод Иудагийн хөвгүүдийн овгоос, Симеоны хөвгүүдийн овгоос, Бениамины хөвгүүдийн овгоос дээр нэр дурдагдсан хотуудыг өгчээ.

⁶⁶ Кохатын хөвгүүдийн өрхийн зарим нь Ефраимын овгоос авсан өөрийн газар нутгийн хотуудтай байв.

⁶⁷ Тэдэнд мөн дараах хоргодох хотуудыг өгсөн юм. Эдгээрт нь Ефраимын уулархаг нутаг дахь Шехем бэлчээрийнхээ хамт мөн Гезер бэлчээрийнхээ хамт,

⁶⁸ Иокмеам бэлчээрийнхээ хамт, Бет-хорон бэлчээрийнхээ хамт,

⁶⁹ Аиалон бэлчээрийнхээ хамт, Гат-риммон бэлчээрийнхээ хамт оржээ.

⁷⁰ Кохатын хөвгүүдийн ургуудын үлдсэнд нь Манассегийн хагас овгоос Анерыг бэлчээртэй нь, Билеамыг бэлчээртэй нь өгөв.

⁷¹ Гершомын хөвгүүдэд Манассегийн хагас овгийн өрхүүдээс Башаны Голаныг бэлчээртэй нь, Аштаротыг бэлчээртэй нь,

⁷² Иссахар овгоос Кедешийг бэлчээртэй нь, Дабератыг бэлчээртэй нь,

⁷³ Рамотыг бэлчээртэй нь, Анемыг бэлчээртэй нь,

⁷⁴ Ашерын овгоос Машалыг бэлчээртэй нь, Абдоныг бэлчээртэй нь,

⁷⁵ Хукокийг бэлчээртэй нь, Рехобыг бэлчээртэй нь,

⁷⁶ Нафтали овгоос Галилын Кедешийг бэлчээртэй нь, Хаммоныг бэлчээртэй нь, Кириатаимыг бэлчээртэй нь өгөв.

⁷⁷ Левичүүдийн үлдсэнд нь буюу Мерарийн хөвгүүдэд Зебулуны овгоос Риммоног бэлчээртэй нь хамт, Таборыг бэлчээртэй нь,

⁷⁸ мөн Иерихогоос Иорданы чанад буюу Иорданы зүүн тал дахь Реубен овгоос цөл дэх Безерийг бэлчээртэй нь, Иахзаг бэлчээртэй нь,

⁷⁹ Кедемотыг бэлчээртэй нь, Мефаатыг бэлчээртэй нь мөн

⁸⁰ Гад овгоос Гилеадын Рамотыг бэлчээртэй нь, Маханаимыг бэлчээртэй нь,

⁸¹ Хешбоныг бэлчээртэй нь, Иазерыг бэлчээртэй нь өгчээ.