1Шастир 24 - Ариун Библи 2013

Тахилчдын хэсгүүд

¹ Аароны хөвгүүдийн хэсгүүд Аароны хөвгүүд нь Надаб, Абиху, Елеазар, Итамар нар байв.

² Гэвч Надаб, Абиху нар эцгээсээ өмнө өөд болсон ба тэд хөвгүүдгүй байв. Тиймээс Елеазар, Итамар нар тахилчид болов.

³ Давид тэднийг Елеазарын удмын Задок, Итамарын удмын Ахимелех нарын хамт хариуцаж буй албын дагуу үйлчлэлд нь хуваажээ.

⁴ Елеазарын удмынханд Итамарын удмынхнаас илүү олон тэргүүн эр байсан тул тэднийг тийнхүү хуваарилав. Елеазарын удмынхны эцгийн гэрт арван зургаан тэргүүн, Итамарын удмынхны эцгийн гэрт найман тэргүүн байв.

⁵ Бурханы өмнө, ариун газарт Итамарын хөвгүүд болон Елеазарын хөвгүүд тэргүүн байсан учир тэднийг шавгаар тус тус хуваав.

⁶ Левичүүдээс гаралтай Нетанелын хүү, гүүш Шемаиа тэднийг хаан, ноёд, тахилч Задок, Абиатарын хүү Ахимелех, тахилч болон левичүүдийн эцгийн бүлийн тэргүүнүүдийн өмнө тэмдэглэсэн билээ. Елеазарынхаас нэг эцгийн бүл, Итамарынхаас нэг эцгийн бүлийг ээлжлэн авчээ.

⁷ Эхний шавга Иехоиарибт бууж, хоёрдугаарх нь Иедаиа,

⁸ гуравдугаарх нь Харим, дөрөвдүгээрх нь Сеорим,

⁹ тавдугаарх нь Малхиа, зургадугаарх нь Миамин,

¹⁰ долдугаарх нь Хаккоз, наймдугаарх нь Абиа,

¹¹ есдүгээрх нь Иешуа, аравдугаарх нь Шеканиа,

¹² арван нэгдүгээрх нь Елиашиб, арван хоёрдугаарх нь Иаким,

¹³ арван гуравдугаарх нь Хуппа, арван дөрөвдүгээрх нь Иешебеаб,

¹⁴ арван тавдугаарх нь Билга, арван зургадугаарх нь Иммер,

¹⁵ арван долдугаарх нь Хезир, арван наймдугаарх нь Хаппиззез,

¹⁶ арван есдүгээрх нь Петахиа, хорьдугаарх нь Иехезкел,

¹⁷ хорин нэгдүгээрх нь Иахин, хорин хоёрдугаарх нь Гамул,

¹⁸ хорин гуравдугаарх нь Делаиа, хорин дөрөвдүгээрх нь Маазиад буув.

¹⁹ Өвөг эцэг Ааронд нь Израилийн Бурхан ЭЗЭНий тушаасан ёсоор, Ааронаар дамжуулан тэдэнд өгөгдсөн зааврын дагуу ЭЗЭНий өргөө дотор ороход тэдний үйлчлэлийн албан тушаал ийм байв.

Бусад левичүүд

²⁰ Левийн бусад хөвгүүд нь Амрамын хөвгүүдээс Шубаел, Шубаелын хөвгүүдээс Иедеиа байв.

²¹ Рехабиагаас Рехабиагийн хөвгүүдээс Ишшиа ууган нь болой.

²² Изхарчуудаас Шеломот, Шеломотын хөвгүүдээс Иахат байв.

²³ Хеброны хөвгүүдээс Иериа ууган нь, хоёрдугаарх нь Амариа, гуравдугаарх нь Иахазиел, дөрөвдүгээрх нь Иекамеам юм.

²⁴ Уззиелийн хөвгүүдээс Мика, Микагийн хөвгүүдээс Шамир болой.

²⁵ Микагийн дүү Ишшиа, Ишшиагийн хөвгүүдээс Зехариа байв.

²⁶ Мерарийн хөвгүүдээс Махли, Муши нар болой. Иазиагийн хөвгүүдээс Бено байв.

²⁷ Мерарийн хөвгүүдээс, Иазиагаар Бено, Шохам, Заккур, Ибри нар байв.

²⁸ Махлигаар Елеазар бөгөөд тэрээр хөвгүүдгүй байв.

²⁹ Кишээс, Кишийн хөвгүүд Иерахмеел байв.

³⁰ Мушийн хөвгүүдээс Махли, Едер, Иеримот нар байв. Эд эцгийнхээ гэрийн дагуу Левийн хөвгүүд болой.

³¹ Эд ч бас Давид хаан, Задок, Ахимелех, тахилч болон левичүүдийн эцгийн бүлийн тэргүүнүүдийн өмнө өөрсдийн ах дүүс, Аароны хөвгүүдийн нэгэн адил буюу эцгийн бүлийн тэргүүн ч бай, дүү нь ч бай бүгд адил шавга хаяжээ.