1Шастир 1 - Ариун Библи 2013

Адамаас Абрахам хүртэл

¹ Адам, Сет, Енош,

² Кенан, Махалалел, Иаред,

³ Енох, Метусела, Ламех,

⁴ Ноа, Шем, Хам, Иафет.

⁵ Иафетын хөвгүүд нь Гомер, Магог, Мадаи, Иаван, Тубал, Мешех, Тирас нар,

⁶ Гомерын хөвгүүд нь Ашкеназ, Дифат, Тогарма нар билээ.

⁷ Иаваны хөвгүүд нь Елиша, Таршиш, Киттим, Роданим нар юм.

⁸ Хамын хөвгүүд нь Куш, Мизраим, Пут, Канаан нар бөгөөд

⁹ Кушийн хөвгүүд нь Себа, Хавила, Сабта, Раама, Сабтека нар юм. Раамагийн хөвгүүд нь Шеба, Дедан нар юм.

¹⁰ Куш нь Нимродыг төрүүлсэн бөгөөд тэр нь газар дэлхий дээрх хүчирхэг нэгэн болжээ.

¹¹ Мизраимаас луд, анам, лехаб, нафтух,

¹² патрус, каслу, кафторчууд гарсан юм. Тэднээс филистчүүд гарчээ.

¹³ Канаан нь ууган хүү Сидон болон Хитийг төрүүлээд мөн

¹⁴ иебус, амори, гиргаш,

¹⁵ хиви, арки, сини,

¹⁶ арвад, земар ба хаматчуудыг төрүүлжээ.

¹⁷ Шемийн хөвгүүд нь Елам, Ашур, Арпахшад, Луд, Арам, Уз, Хул, Гетер, Мешех юм.

¹⁸ Арпахшад нь Шелаг, Шела нь Еберийг төрүүлжээ.

¹⁹ Еберт хоёр хөвгүүн төрсөн бөгөөд нэг нь дэлхий хуваагдах тэр үед төрсөн учир түүнд Пелег гэдэг нэр өгчээ. Түүний дүүгийн нэр нь Иоктан билээ.

²⁰ Иоктан нь Алмодад, Шелеф, Хазармавет, Иера,

²¹ Хадорам, Узал, Дикла,

²² Ебал, Абимаел, Шеба,

²³ Офир, Хавила, Иобаб нарыг төрүүлсэн бөгөөд эд цөм Иоктаны хөвгүүд ажээ.

²⁴ Шем, Арпахшад, Шела,

²⁵ Ебер, Пелег, Реу,

²⁶ Серуг, Нахор, Тера,

²⁷ Абрам энэ бол Абрахам.

Абрахамаас Иаков хүртэл

²⁸ Абрахамын хөвгүүд нь Исаак, Ишмаел билээ.

²⁹ Тэдний уг угсааг тоочвол, Ишмаелын ууган хүү нь Небаиот байсан бөгөөд удаах нь Кедар, Адбеел, Мибсам,

³⁰ Мишма, Дума, Масса, Хадад, Тема,

³¹ Иетур, Нафиш, Кедема нар юм. Эд Ишмаелын хөвгүүд билээ.

³² Абрахамын татвар эм Кетурагийн төрүүлсэн хөвгүүд нь Зимран, Иокшан, Медан, Мидиан, Ишбак, Шуа нар байв. Иокшаны хөвгүүд нь Шеба, Дедан юм.

³³ Мидианы хөвгүүд нь Ефа, Ефер, Ханох, Абида, Елдаа нар билээ. Эд бүгд Кетурагийн хөвгүүд юм.

³⁴ Абрахам нь Исаакийг төрүүлсэн. Исаакийн хөвгүүд нь Есав, Израиль нар.

³⁵ Есавын хөвгүүд нь Елифаз, Реуел, Иеуш, Иалам, Кора нар билээ.

³⁶ Елифазын хөвгүүд нь Теман, Омар, Зефи, Гатам, Кеназ, Тимна, Амалек нар.

³⁷ Реуелийн хөвгүүд нь Нахат, Зера, Шамма, Мизза нар билээ.

³⁸ Сеирийн хөвгүүд нь Лотан, Шобал, Зибеон, Ана, Дишон, Езер, Дишан нар юм.

³⁹ Лотаны хөвгүүд нь Хори, Хомам нар бөгөөд Лотаны эгч нь Тимна юм.

⁴⁰ Шобалын хөвгүүд нь Алиан, Манахат, Ебал, Шефи, Онам билээ. Зибеоны хөвгүүд нь Аиа, Ана билээ.

⁴¹ Анагийн хүү нь Дишон бөгөөд Дишоны хөвгүүд нь Хамран, Ешбан, Итран, Херан билээ.

⁴² Езерийн хөвгүүд нь Билхан, Зааван, Иаакан билээ. Дишаны хөвгүүд нь Уз, Аран билээ.

⁴³ Израилийн хөвгүүдийг хэн нэгэн хаан захирахаас өмнө Едомын газар нутгийг захирсан хаад нь эдгээр болно. Беорын хүү Бела нь Едомын хаан болсон бөгөөд түүний хотыг Динхаба гэдэг байжээ.

⁴⁴ Бела үхэж, Бозрагийн Зерагийн хүү Иобаб түүний оронд хаан болжээ.

⁴⁵ Иобаб үхэж, теманчуудын нутгаас гаралтай Хушам түүний оронд хаан болсон билээ.

⁴⁶ Хушам үхэж Моабын талд мидианчуудыг цохисон Бедадын хүү Хадад түүний оронд хаан болсон бөгөөд түүний хотыг Авит гэдэг байв.

⁴⁷ Хадад үхэхэд Масрекагийн Самла түүний оронд хаан болжээ.

⁴⁸ Самла үхэхэд Евфрат мөрний эргийн Рехоботын Шаул түүний оронд хаан болсон юм.

⁴⁹ Шаул үхэж, Ахборын хүү Баал-ханан оронд нь хаан болов.

⁵⁰ Баал-ханан үхэхэд Хадад түүний оронд хаан болсон бөгөөд хотыг нь Паи гэдэг байв. Түүний эхнэрийн нэр Мехетабел бөгөөд тэр Ме-Захабын Матредын охин байв.

⁵¹ Дараа нь Хадад үхсэн билээ. Едомын захирагчид нь захирагч Тимна, захирагч Алиа, захирагч Иетет

⁵² захирагч Охолибама, захирагч Ела, захирагч Пинон,

⁵³ захирагч Кеназ, захирагч Теман, захирагч Мибзар,

⁵⁴ захирагч Магдиел, захирагч Ирам нар байв. Эд Едомын захирагчид байсан юм.