Дуулал 87 - Ариун Библи 2004

Корагийн хөвгүүдийн дуулал. Дуу.

¹ Түүний суурь ариун ууланд бий.

² ЭЗЭН Сионы дааман хаалгуудыг Иаковын оршин суух газруудаас илүүгээр хайрладаг.

³ Бурханы хот оо, Чиний талаар алдартай юмс яригддаг. Села

⁴ “Намайг мэдэгчдийн дунд би Рахаб болон Вавилоныг дурдана. Харагтун, Филист ба Тир Етиопын хамт «Энэ нэгэн тэнд төрсөн» гэнэ”.

⁵ Харин Сионы тухай “Энэ хүн ба тэр хүн түүний дотор төрсөн” гэж хэлэгдэнэ. Хамгийн Дээд Нэгэн Өөрөө түүнийг байгуулна.

⁶ ЭЗЭН хүмүүсийг бүртгэх үедээ тоолж, “Энэ нэгэн тэнд төрсөн” гэнэ. Села

⁷ Тэгээд дуулдаг хүмүүс лимбэ тоглодог хүмүүсийн хамт “Миний бүх эх булгууд чамд бий” гэнэ.