Дуулал 54 - Ариун Библи 2004

Найрал дууны удирдаачид. Зифчүүд ирж, Саулд “Давид бидний дунд нуугдсан биш үү?” гэсэн үеийн Давидын маскил.

¹ Бурхан, Өөрийн нэрээр намайг аварч, Өөрийн хүч чадлаар намайг зөвтгөөч.

² Бурхан, миний залбирлыг сонсооч. Миний амнаас гарах үгэнд чих тавиач.

³ Учир нь харь хүмүүс миний эсрэг боссон бөгөөд Хэрцгий хүмүүс амийг минь эрж хайсан. Тэд бол өөрсдийнхөө өмнө Бурханыг залдаггүй хүмүүс юм. Села

⁴ Харагтун, Бурхан бол миний туслагч. Эзэн бол миний сэтгэлийг тэтгэгч.

⁵ Тэрээр миний дайснуудад бузар мууг хариулан төлнө. Өөрийн итгэмжит байдлаар тэднийг устгаач.

⁶ Би сайн дураараа Танд тахилыг өргөнө. ЭЗЭН, Би Таны нэрийг магтах болно, Учир нь тэр нь сайн билээ.

⁷ Тэр намайг бүх бэрхшээл зовлонгоос аварсан бөгөөд Би дайснуудаа нүдээрээ харсан билээ.