Дуулал 137 - Ариун Библи 2004

¹ Вавилоны гол мөрнүүдийн дэргэд Бид сууж, Сионыг санан уйлцгаасан.

² Бид босоо ятгаа, хөгжмүүдээ Уд модонд өлгөсөн.

³ Учир нь тэнд олзлон авагчид маань биднээс дуу шаардан, “Сионы дуунуудаас нэгийг бидэнд дуулаач” хэмээн Биднийг зовоогчид баяр хөөр шаардсан юм.

⁴ Бид ЭЗЭНий дууг Харь нутагт яаж дуулах вэ?

⁵ Иерусалим аа, хэрэв би чамайг мартсансан бол Миний баруун гар чадвараа алдах болтугай.

⁶ Хэрвээ би чамайг санахгүй бол, Хэрвээ би Иерусалимыг Өөрийн хамгийн дээд баясгалангаас илүүгээр өргөмжлөхгүй бол Хэл минь тагнайнд минь наалдаг.

⁷ Өө, ЭЗЭН, “Түүнийг нураа, түүнийг нураа, Суурь хүртэл нь нураа” гэж байсан Едомын хөвгүүдэд Иерусалимын хөнөөлт өдрийг сануулаач.

⁸ Сүйрсэн нэгэн болох Вавилоны охин оо, Чиний бидэнд хариу үйлдсэн ёсоор Чамд хариулагч нэгэн юутай ерөөлтэй байх вэ!

⁹ Чиний нялх хүүхдүүдийг барьж аван Хад уруу шидэгч нэгэн юутай ерөөлтэй байх вэ!