Дуулал 130 - Ариун Библи 2004

Өгсөх дуу.

¹ Өө, ЭЗЭН, би гүнээс Тан уруу хашхирсан.

² Эзэн, дуу хоолойг минь сонсооч! Миний гуйлтын дуунд Таны чих зөөлөн байг.

³ ЭЗЭН, хэрэв Та гэм бурууг тэмдэглэвээс, Өө, Эзэн, хэн тэсвэрлэн зогсож чадах вэ?

⁴ Харин Танаас эмээхийн тулд Танд уучлал байдаг билээ.

⁵ Би ЭЗЭНийг хүлээдэг, сэтгэл минь ч хүлээдэг бөгөөд Түүний үгэнд би найддаг билээ.

⁶ Манаач хүн өглөө болохыг хүлээхээс ч илүүгээр Сэтгэл минь ЭЗЭНийг хүлээдэг. Манаач хүн өглөөг хүлээхээс ч илүүгээр шүү.

⁷ Израиль аа, ЭЗЭНд найдагтун. Учир нь ЭЗЭНд хайр энэрэл байгаа, Түүнд арвин золилт бий.

⁸ Тэрээр Израилийг Бүх гэм буруугаас нь золих болно.