Дуулал 129 - Ариун Библи 2004

Өгсөх дуу.

¹ “Тэд намайг залуугаас минь олон удаа хавчин зовоосон билээ”. Одоо Израилиар хэлүүл.

² “Тэд намайг залуугаас минь олон удаа хавчин зовоосон билээ. Гэвч тэд намайг дийлээгүй юм.

³ Тариачин миний нурууг анжсаар хагалав. Тэд урт шан татсан билээ”.

⁴ ЭЗЭН бол зөв шударга юм. Тэрээр хорон муу хүний уяаг тасалдаг.

⁵ Сионыг үзэн ядагчид бүгд Ичгүүрт орж, ухрагтун.

⁶ Тэд ургахаасаа өмнө хатдаг Дээвэр дээрх өвс ногоо мэт болог.

⁷ Эдгээр нь хадланчийн атгыг ч, Тариа багцлагчийн тэврийг ч дүүргэхгүй.

⁸ Хажуугаар өнгөрөгчид ч “ЭЗЭНий ерөөл та нар дээр байг. Бид та нарыг ЭЗЭНий нэрээр ерөөе” гэж хэлдэггүй.