Дуулал 122 - Ариун Библи 2004

Давидын өгсөх дуу.

¹ Тэд надад “ЭЗЭНий өргөө уруу явцгаая” гэхэд Би баярласан.

² Иерусалим аа, бидний хөл Чиний дааман хаалганы дотор зогсож байна.

³ Иерусалим их шигүү хот шиг байгуулагдсан,

⁴ Тийшээ овгууд, ЭЗЭНий овгууд ЭЗЭНий нэрд талархал өргөхөөр Израилийн тогтоолын дагуу очдог юм.

⁵ Учир нь тэнд шүүхэд зориулан сэнтийнүүдийг, Давидын гэрийн сэнтийнүүдийг тавьсан байв.

⁶ Иерусалимын амар амгалангийн төлөө гуй. “Чамайг хайрлагчид өлзийтэй байх болтугай.

⁷ Амар амгалан чиний ханан хэрмийн дотор, Сайн сайхан чиний орднуудад байх болтугай”.

⁸ Ах дүүс ба анд нөхдийнхөө төлөө Би одоо “Чиний дотор амар амгалан байх болтугай” гэж хэлнэ.

⁹ Бидний Бурхан ЭЗЭНий өргөөний төлөө Би чиний сайн сайхныг эрэн хайх болно.