Zaburi 73 - The Holy Bible In Alur (Lur) Revised Orthography

KITABU 3 Kajik mi Judubo

¹ Andha Mungu en e ber ni Israel, En e ni wadi dhanu ma adundegi leng’.

² Ento an, tienda yenyo rwinyo; Dakutielo para ni ceng’ni kier.

³ Kum kumira nega kum ju m’uyungri, Kinde m’aneno lembe mi judubo bedo miero.

⁴ Kum ciro cir umbe i tho migi; Ento tego migi bedo tek.

⁵ Gini i can ungo calu dhanu mange; Kadok asenda de gisendr ngo calu dhanu mange.

⁶ Ka kumeno kuhaya en e calu nyoro i ng’utgi; Rop uumogi calu kendi.

⁷ Wang’gi wok ni kum mio; Gibedo ku piny ma sagu ma adunde yenyo.

⁸ Gicayu cac, man giweco lembe ma rac mi dim: Giweco lembe mi tingri.

⁹ Giketho dhoggi i polo, Man lebgi wotho kud i ng’om.

¹⁰ Ka kumeno dhanu pare gidwogo keni: Man pi ma pong’ kopo konjre igi.

¹¹ Man giwacu kumae, Mungu ng’eyo nenedi? Man ng’eyong’ec nuti i Ng’atu ma Malu Ngbiri?

¹² Nen, maeni gi judubo; Man, gin ma gibedo yo thiri thiri, lonyo migi nyai.

¹³ Andha alwoko adundena mananu, Man alogo cinga m’umbe dubo;

¹⁴ Kum jusenda ceng’ du, Man jugoya ku ba rupiny ku ba rupiny.

¹⁵ Tek awacu kumae, Abiweco kumeni; Nen, atimo rop kum dhanum’utuk mi nyithindho peri.

¹⁶ Kinde m’aparu maram acopo ng’eyo ko maeni, En e can ma sagu ira;

¹⁷ Maram amondo ko i kamaleng’ pa Mungu, Man ia pido pi kajik migi.

¹⁸ Andha ikethogi i ka ma foth: Ibayugi piny ba nyoth.

¹⁹ Gidoko ni uvuru nyagwil mire ma! Githum pet ku ndiri.

²⁰ Calu lek kinde ma ng’atu moko ceu, Kumeno, E Rwoth, kinde m’iceu, ibicayu ayi migi.

²¹ Kum can unego ng’eyong’ec para, Man jucobo adundena:

²² E an a adhura, man cobo; Abedo calu yedi i weng’i.

²³ Ento wabedo karacelo wakudi thiri thiri: Imaku cinga ma yor acwic.

²⁴ Ibitelo wia ku lembapora peri, Man yo ku ng’eye ibijola ku dwong’.

²⁵ Abedo ku ng’a i polo? Man ng’atu moko mbe i ng’om m’ayenyo ma sagu in.

²⁶ Ring’kuma kud adundena gijwik; Ento Mungu en e tego mir adundena man makapiny para mi nja.

²⁷ Kum, nen, ju ma gini bor kudi gibinyothri: Inyotho dhanu ceke m’utimo tarwang’, ma giweki.

²⁸ Ento eoro ceng’ni Mungu e ber ira: Aketho Rwoth Yehova ni kapondo para, Kara ayer pi tic peri ceke.