Zaburi 53 - The Holy Bible In Alur (Lur) Revised Orthography

Lemkasegu ku Lemkier mi Dhanu

¹ Jakasegu wacu yor i adundene kumae, Mungu mbe. Ginyothri, man gitimo kier ma judagu; Ng’atu moko mbe ma timo ber.

² Mungu neno piny kud i polo wi nyithindho mi dhanu, Kara enen tek jumoko nuti ma timo ku rieko, M’uyenyo ka Mungu.

³ Gidok cen kubang’gi kubang’gi ceke; gicidri karacelo; Ng’atu moko mbe ma timo ber, umbe, acel de mbe.

⁴ Jutimkier ng’eyong’ec migi mbe, Ma camu dhanu para calu gicamu kwen, Man guwong’o Mungu ngo?

⁵ Gibedo i lworo ma dit, ka ma lworo mbe i ie; Kum Mungu bayu cogo pa ng’atu m’uguro hema i kumi: Iketho lewic i wigi, kum Mungu kwerogi.

⁶ A tek both mir Israel uai i Sayuni! Kinde ma Mungu dwoko ng’eca mi dhanu pare, Anyong’a bilund nego Yakobo, man anyong’a binego Israel.