Zaburi 3 - The Holy Bible In Alur (Lur) Revised Orthography

Rwo mi Kugweno mi Genogen i Mungu

¹ Yehova, judegi para ginyai dit mire ma! Ju ma gigoyo korgi i kuma gi dupa.

² Ju m’uyero pi ng’eyong’ec para kumae gi dupa, Kony umbe ire ku ba Mungu. [Sela.

³ Ento in, E Yehova, in i ban i kuma; Dwong’ para, man jating’ wia.

⁴ Alwong’o Yehova ku dwanda, Man edwoko ira lembe kud i got pare ma leng’. [Sela.

⁵ Avuto piny man anindo; Aceu; kum Yehova gwoka.

⁶ Lworo binega ngo kum dhanu rubanga apar Ma gikethri gigi i kuma gbur.

⁷ Ai, E Yehova; lara, E Munguna: Kum igoyo judegi para ceke wi cogo lim; Ituro lak judubo.

⁸ Both en e pa Yehova: Mugisa peri bedwi dhanu peri. [Sela.