Zaburi 12 - The Holy Bible In Alur (Lur) Revised Orthography

Kwac pi Kony ni Kum Jutim Rac

¹ Kony, Yehova; kum ng’atu ma ayi Mungu ni i kume mbe kendo; Kum ju mandha girem kud i kind nyithindho mi dhanu.

² Giyero ndra ku ba dhanu ng’atuman ku wadi: Giyero ku dendhoggi mir abombi, man kud adunde ario.

³ Yehova bithumo dendhok ceke mir abombi woko, Leb ma yero lembe ma dit;

⁴ Ma giwacu kumae, Wabisagu ku lebwa; Dendhogwa en e mwa giwa: ng’a ma rwoth i wiwa?

⁵ Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

⁶ Lembe pa Yehova gi lembe ma leng’; Calu mola ma tar ma juponjo i uka i ng’om, Ma judwoko leng’ wang’ abiro.

⁷ Ibigwokogi, E Yehova, Ibigwokogi gambre kum dhanum’utuk maeni mi nja.

⁸ Judubo giwotho kun ku kun, Kinde ma gin ma rac dodre i kind wot dhanu.