Zaburi 114 - The Holy Bible In Alur (Lur) Revised Orthography

Musana M’utimbre kum Ai mi Juisraeli

¹ Kinde ma Israel uwok woko kud i Misiri, Ot pa Yakobo ku kind dhanu mi dhok mi juwirok;

² Yuda doko ni kamaleng’ pare, Israel ke ni ker pare.

³ Nam uneno maeni, man eringo; Jucoro Yordan cen.

⁴ Gudi gipor malu calu nyogi rombe, Man ungulu gudi calu nyithi rombe.

⁵ Ang’o timi ketho iringo, E in i nami? In i Yordan, ketho ilokri ceni?

⁶ Wu gudi, ketho wupor malu calu nyogi rombe; Wun ungulu gudi, calu nyithi rombe?

⁷ In i ng’om, yengri, kum Rwoth nuti, Kum Mungu pa Yakobo nuti

⁸ M’eloko cana ni kut mi pi, Kidi ma tek ni kulo mi pi.