Yocuwa 19 - The Holy Bible In Alur (Lur) Revised Orthography

Aba pa Simeon

¹ Man gagi mir arionde wok ni Simeon, en e ni suru mi nyithindho pa Simeon calku wat migi: man aba migi ni i kind aba mi nyithindho pa Yuda.

² Man gibedo kud adhura maeni ni aba migi, Ber-ceba, kadi Ceba, man Molada,

³ man Hazar-cual, man Bala, man Ezem,

⁴ man Eltolad, man Bethul, man Horma,

⁵ ku Ziklag, man Beth-markaboth, man Hazarsusa,

⁶ man Beth-lebaoth, ku Caruhen; adhura apar wi adek, ku pacune:

⁷ Ain, ku Rimon, man Ether, ku Acan; adhura ang’wen ku pacune:

⁸ man pacu ceke m’udhoko adhura maeni cil kum Balath-ber, man Rama ma yor ariwa ma piny. Maeni en e aba mi suru mi nyithindho pa Simeon calku wat migi.

⁹ Aba mi nyithindho pa Simeon uai ku i makapiny mi nyithindho pa Yuda; kum makapiny mi nyithindho pa Yuda e dit m’usagugi: ka kumeno nyithindho pa Simeon gibedo kud aba i kind aba migi.

Aba pa Zebulun

¹⁰ Man gagi mir adege wok ni nyithindho pa Zebulun calku wat migi. Man kieu mir aba migi tundo kum Sarid;

¹¹ man kieu migi idho yo reto, cil kum Marala, man utundo kum Dabeceth; man etundo kum kulo ma ni i wang’ Yokneam;

¹² man elokre ku ba Sarid yo nyangu yo ku wokceng’ cil kum kieu mi Kislothtabor; man ewodhre ba Daberath, man eidho ba Yafia;

¹³ man ku keca ekadhu yo nyangu ba Gath-hefer, utundo Ethkazin; man ewodhre kum Rimon m’utundo kura Nea;

¹⁴ man kieu udhoko ng’ombe yor ariwa ma malu cil kum Hanathon; man kawokne ni i poga mi Ifta-el;

¹⁵ man Katath, ku Nahala, man Cimron, man Idala, ku Beth-lehem: adhura apar wi ario ku pacune.

¹⁶ Maeni en e aba mi nyithindho pa Zebulun calku wat migi, adhura maeni ku pacune.

Aba pa Isakar

¹⁷ Gagi mir ang’wende wok ni Isakar, en e ni nyithindho pa Isakar calku wat migi.

¹⁸ Man kieu migi en e kum Yezrel, man Kesuloth, man Cunem,

¹⁹ man Hafaraim, man Cion, ku Anaharath,

²⁰ man Rabith, ku Kicion, man Ebez,

²¹ ku Remeth, man En-ganim, man Enhada, ku Beth-pazez,

²² man kieu utundo kum Tabor, ku Cahazuma, man Beth-cemec;

²³ man kawok mi kieune en e kulo Yordan; adhura apar wi abusiel ku pacune. Maeni en e aba mi suru mi nyithindho pa Isakar calku wat migi, adhura ku pacune.

Aba pa Acer

²⁴ Man gagi mir abije wok mi suru mi nyithindho pa Acer calku wat migi.

²⁵ Man kieu migi en e Helkath, man Hali, ku Beten, man Akcaf,

²⁶ man Alamelek, man Amad, ku Mical; man etundo kum Karmel yo reto, man kum Cihorlibnath;

²⁷ man elokre yo ba wokceng’ cil kum Beth-dagon, man etundo Zebulun, man kum poga mi Ifta-el yor ariwa ma malu utundo kum Beth-emek, man Neiel; man ewodhre kum Kabul yor acam,

²⁸ man Ebron ku Rehob, man Hamon, ku Kana, cil kum Sidon ma dit;

²⁹ man kieu lokre kum Rama, man kum adhura ma tek mi Turo; e kieune lokre kum Hosa; man kawokne en e dhu nam i ng’et ng’om mir Akzib;

³⁰ Uma bende, man Afek, ku Rehob: adhura pier ario wi ario ku pacune.

³¹ Maeni aba mi suru mi nyithindho pa Acer calku wat migi, adhura maeni ku pacune.

Aba pa Naftali

³² Gagi mir abusiende wok ni nyithindho pa Naftali, en e ni nyithindho pa Naftali calku wat migi.

³³ Man kieu migi gambre kum Helef, kum yen ma ni i Zananim, man Adami-nekeb, man Yabnel, cil kum Lakum; man kawokne en e ba kulo Yordan;

³⁴ man kieune lokre yo reto cil kum Aznoth-tabor, man ewodhre ku kuca utundo kum Hukok; man etundo kum Zebulun yor ariwa ma piny, man etundo kum Acer yo reto, man kum Yuda dhu kulo Yordan yo ku wokceng’.

³⁵ E adhura ma tek en e Zidim, ku Zer, man Hamath, ku Rakath, man Cinereth,

³⁶ ku Adama, man Rama, ku Hazor,

³⁷ man Kedec, ku Edrei, man Enhazor,

³⁸ man Iron, ku Migdal-el, ku Horem, man Beth-anath, man Beth-cemec; adhura apar wi abung’wen ku pacune.

³⁹ Maeni en e aba mi suru mi nyithindho pa Naftali calku wat migi, adhura ku pacune.

Aba pa Dan

⁴⁰ Gagi mir abirone wok ni suru mi nyithindho pa Dan calku wat migi.

⁴¹ Man kieu mir aba migi en e Zora, man Ectaol, man Ircemec,

⁴² man Calabin, man Aijalon, man Ithla,

⁴³ ku Elon, man Timna, man Ekron,

⁴⁴ man Elteke, ku Gibethon, man Balath,

⁴⁵ ku Yehud, man Bene-berak, man Gath-rimon,

⁴⁶ man Me-jarkon, man Rakon, karacelo ku kieu ma ni kum Yopa.

⁴⁷ Man kieu mi nyithindho pa Dan uwok m’ukadhugi; kum nyithindho pa Dan giidho malu man gikiedo kum Lecem, e gimake, man gigoye ku lak palamularu, man gimwonye, e gibedo i ie, man gilwong’o Lecem, nia Dan, calku nying’ Dan ma kwarugi.

⁴⁸ Maeni en e aba mi suru mi nyithindho pa Dan calku wat migi, adhura maeni ku pacune.

Aba pa Yocuwa

⁴⁹ Kum kumeno gidaru tic mi poko ng’om ni aba calku kieune; man nyithindho mir Israel gimio aba ni Yocuwa ma wod Nun i kindgi:

⁵⁰ calku lembang’ola pa Yehova gimio ire adhura m’epenjo, en e Timnath-sera i ng’om gudi pa Efraim: man egomo adhurane, ebedo i ie de.

⁵¹ Maeni en e aba, ma Eleazar ma jalam, man Yocuwa ma wod Nun, ku wi udi pa wego mi suru mi nyithindho mir Israel, gipoko ni aba ku gagi i Cilo i wang’ Yehova, i dhugola mi hema mi cokri. Kum kumeno gidaru tic mi poko ng’ombe.