Yocuwa 15 - The Holy Bible In Alur (Lur) Revised Orthography

Aba pa Yuda

¹ Man gagi mi suru mi nyithindho pa Yuda calku wat migi en e kum kieu mi Edom, cil kum langa mi Zin yor ariwa ma piny, i ng’ete ma yor ariwa ma piny hai.

² Man kieu migi ma yor ariwa ma piny ugambre kum kajik mi Nam Kadu, kud i nam m’uroire ma neno yor ariwa ma piny;

³ man ewodhre yor ariwa ma piny mi ka m’aidha mi Akrabim, man ekadhu kum Zin, man eidho yor ariwa ma piny ni Kadec-barnea, man ekadhu kum Hezron, man eidho malu kum Adar, e elokre kum Karka;

⁴ man ekadhu kum Azimon, man ewodhre kum kulo mi Misiri; man kawok mi kieune en e kum nam: maeni bibedo kieu mu ma yor ariwa ma piny.

⁵ Man kieu ma yo nyangu en e Nam Kadu, cil kum kajik mi Yordan. Man kieu mi ng’et ng’om ma yor ariwa ma malu gambre kum nam m’uroire i kajik mi Yordan;

⁶ man kieune idho malu kum Beth-hogla, man ekadhu yor ariwa ma malu ni Beth-araba; man kieune idho malu kum kidi pa Bohan ma wod Ruben;

⁷ man kieu idho malu kum Debir ugambre kum poga mir Akor, man kumeno yor ariwa ma malu, ma neno yo ba Gilgal, ma en e kumlkaidho mir Adumim, ma en e yor ariwa ma piny ni kulo; man kieu kadhu kum pi mir En-cemec, man kawokne en e kum En-rogel;

⁸ man kieu idho malu ng’et poga pa wod Hinom cil kum ng’et Jaye’ousi yor ariwa ma piny (ma en e Yerusalem); man kieu idho malu wi got m’ubedo i wang’ poga mi Hinom yo reto, ma en e ng’ete ma yo woko ni longro mi Refraim yor ariwa ma malu;

⁹ man kieu cidho gambre wi got cil kum pi ma dhenyni mi pi mi Neftoa, man ewok woko kum adhura mi got Efron; man kieu cidho kum Bala (ma en e Kiriath-jearim);

¹⁰ man kieu lokre kum Bala yo reto cil kum got Seir, man ekadhu cil kum ng’et got Yearim yor ariwa ma malu (ma en e Kesalon), man eloro piny kum Beth-cemec, man ekadhu ng’et Timna;

¹¹ man kieu wodhre yor ariwa ma malu ng’et Ekron; man kieu cidho kum Cikeron, e ekadhu kum got Bala, man ewodhre kum Yabnel; man kawok mi kieu en e dhu nam.

¹² Man kieu ma yo reto en e kum nam ma dit, ku kieune de. Maeni kieu mi njdthindho pa Yuda m’udhokre calku wat migi.

Kaleb Umaku Hebron ku Debir

¹³ Man emio makapiny ni Kaleb ma wod Yefune kind nyithindho pa Yuda, calku lembang’ola pa Yehova ni Yocuwa, en e Kiriath-arba, ma Arbane en e won Anak (en e Hebron).

¹⁴ Man Kaleb uriemo wot Anak adek woko ku keca: gi Cecai, man Ahiman, man l’aimai, ma nyithindho pa Anak.

¹⁵ Man eidho malu ku keca kum ju m’ubedo i Debir; nwang’u naka nying’ Debir en e Kiriath-sefer.

¹⁶ E Kaleb uwacu kumae, Ng’atu m’ugoyo Kiriath-sefer, man emake, abimio Aksa ma nyara ire ni dhaku.

¹⁷ Man Othniel ma wod Kenaz, m’umin Kaleb, emake: man emio Aksa ma nyare ire ni dhaku.

¹⁸ Man etimbre, kinde m’ebino i bang’e, nia ecwale ya epenj podho ba won mire: man eloro ku wi kana pare; man Kaleb uwacu kumae, Iyenyo ang’o?

¹⁹ Man ewacu kumae, Mi mugisa ira; kum iketha i ng om ma yor ariwa ma piny, mi ira bende kulo mi pi. Man emio ire kulo ma malu man kulo ma piny.

Adhura mi Nyithindho pa Yuda

²⁰ Maeni en e aba mi suru mi nyithindho pa Yuda calku wat migi.

²¹ Man kajik mir adhura mi suru mi nyithindho pa Yuda ma yo ba kieu mir Edom yor ariwa ma piny en e Kabzel, man Eder, man Yagur,

²² ku Kina, man Dimona, man Adada,

²³ man Kadec, man Hazor, man Ithnan,

²⁴ ku Zif, man Telem, ku Bealoth,

²⁵ man Hazor-hadata, ku Kerioth-hezron (ma en e Hazor),

²⁶ man Amam, ku Cema, man Molada,

²⁷ man Hazar-gada, man Hecmon, man Beth-pelet,

²⁸ man Hazar-cual, ku Ber-ceba, man Biziothia,

²⁹ Bala, man Em, man Ezem,

³⁰ man Eltolad, ku Kesil, man Horma,

³¹ man Ziklag, man Madmana, ku Sansana,

³² man Lebaoth, man Cilhim, ku Ain, man Rimon: adhura ceke gi pier ario wi abung’wen ku pacune de.

³³ I poga gi eni, Ectaol, man Zora ku Acna,

³⁴ man Zanoa, ku En-ganim, man Tapua, man Enam,

³⁵ ku Yarmuth, man Adulam, ku Soko, man Azeka,

³⁶ ku Caraim, man Adithaim, ku Gedera, man Gederothaim; adhura apar wi ang’wen ku pacune de.

³⁷ Zenan, man Hadaca, man Mig-dalgad,

³⁸ ku Dilean, man Mizpa, ku Yokthel,

³⁹ man Lakic, ku Bozkath, man Eglon,

⁴⁰ man Kabon, ku Lamam, man Kitlic,

⁴¹ man Gederoth, ku Beth-dagon, man Nama, man Makeda; adhura apar wi abusiel ku pacune de.

⁴² Libna, man Ether, ku Acan,

⁴³ man Ifta, ku Acna, man Nezib,

⁴⁴ ku Keila, man Alezib, man Mareca; adhura abung’wen ku pacune de.

⁴⁵ Ekron, karacelo kud adhurane man pacune;

⁴⁶ ugambre kum Ekron cil kum nam, ceke ma gini i ng’et Acdod, ku pacune de.

⁴⁷ Acdod, kud adhurane man pacune de; Gaza, kud adhurane man pacune de; cil kum kulo mi Misiri, man nam ma dit, ku kieune de.

⁴⁸ Man i ng’om gudi gi eni, Camir, man Yatir, man Soko,

⁴⁹ ku Dana, man Kiriath-sana (ma en e Debir),

⁵⁰ man Anab, kud Ectemo, man Anim,

⁵¹ man Gocen, ku Holon, man Gilo; adhura apar wi acel ku pacune de.

⁵² Arab, man Duma, ku Ecan,

⁵³ man Yanim, ku Beth-tapua, man Afeka,

⁵⁴ ku Humta, man Kiriath-arba (ma en e Hebron), man Zior; adhura abung’wen ku pacune de.

⁵⁵ Maon, ku Karmel, man Zif, ku Yuta,

⁵⁶ man Yezrel, man Yokdeam, man Zanoa,

⁵⁷ Kain, ku Gibea, man Timna; adhura apar ku pacune de.

⁵⁸ Halhul, ku Beth-zur man Gedor,

⁵⁹ man Marath, ku Beth-anoth, man Eltekon; adhura abusiel ku pacune de.

⁶⁰ Kiriath-bal (ma en e Kiriath-jearim), man Raba; adhura ario ku pacune de.

⁶¹ I langa ke, Beth-araba, ku Midin, man Sekaka,

⁶² ku Nibcan, man Adhura mi Kadu, ku En-gedi; adhura abusiel ku pacune de.

⁶³ Man Juyebusi re, ju m’ubedo i Yerusalem, nyithindho pa Yuda copo riemogi woko ngo: ento Juyebusi gibedo karacelo ku nyithindho pa Yuda i Yerusalem cil i ceng’ maeni.