Thangambere 36 - The Holy Bible In Alur (Lur) Revised Orthography

Nyikwai Esau

¹ Nie maeni gi dhanum’utuk pa Esau (ma en e Edom).

² Esau gamu mon pare m’i kind nyir mi Kanan: Ada ma nyar Elon ma Jahiti, man Oholibama ma nyar Ana, ma nya Zibeon ma Jahivi,

³ man Basemath ma nyar Icmael, ma nyamin Nebaioth.

⁴ Man Ada nyolo Elifaz ni Esau; Basemath ke nyolo Reuel;

⁵ man Oholibama nyolo Yeuc, man Yalam, man Kora: maeni gi wot Esau, ma junyolo ire i ng’om Kanan.

⁶ E Esau gamu mon pare, ku wote, ku nyige, ku dhanu ceke m’i ot pare, ku lim pare, man lim pare ceke mi ter, ku piny pare ceke, m’ecoko i ng’om Kanan; e ecidho i ng’om ma cen kud umin ma Yakobo.

⁷ Kum piny migi bedo dit m’usagu ma gicopo bedo ko karacelo; man ng’om mir umondo migi romogi ngo kum lim migi.

⁸ E Esau bedo wi got Seir: Esau en e Edom.

⁹ E maeni gi dhanum’utuk pa Esau ma won Juedomi i got Seir:

¹⁰ maeni nying wot Esau: Elifaz ma wod Ada ma dhaku pa Esau, Reuel ma wod Basemath ma dhaku pa Esau.

¹¹ Man wot Elifaz gi Teman, Omar, Zefo, man Gatam, ku Kenaz.

¹² Man Timna en e dhaku m’araga pa Elifaz ma wod Esau; man enyolo Amalek ni Elifaz; maeni gi wot Ada, ma dhaku pa Esau.

¹³ Man maeni gi wot Reuel: Nahath, man Zera, Cama, man Miza: maeni gi wot Basemath, ma dhaku pa Esau.

¹⁴ Man maeni gi wot Oholibama ma nyar Ana, ma nya Zibeon, ma dhaku pa Esau: enyolo Yeuc ni Esau, man Yalam, man Kora.

¹⁵ Man maeni gi rwodhi mi wot Esau: wot Elifaz ma kayu pa Esau gi eni: rwoth Temen, rwoth Omar, rwoth Zefo, rwoth Kenaz,

¹⁶ rwoth Kora, rwoth Gatam, rwoth Amalek: maeni rwodhi m’uai ba Elifaz i ng’om Edom; maeni gi wot Ada.

¹⁷ Man maeni gi wot Reuel, ma wod Esau: rwoth Nahath, rwoth Zera, rwoth Cama, rwoth Miza: maeni rwodhi m’uai ba Reuel i ng’om Edom; maeni gi wot Basemath, ma dhaku pa Esau.

¹⁸ Man maeni gi wot Oholibama, ma dhaku pa Esau: rwoth Yeuc, rwoth Yalam, rwoth Kora: maeni gi rwodhi m’uai ba Oholibama ma nyar Ana, ma dhaku pa Esau.

¹⁹ Maeni gi wot Esau, man maeni gi rwodhi migi: ma en e Edom.

Nyikwai Seir

²⁰ Maeni gi wot Seir ma Jahori, gi ju m’ubedo i ng’ombe: Lotan man Cobal ku Zibeon man Ana,

²¹ man Dicon man Ezer ku Dican: maeni gi rwodhi m’uai ba Juhori, ma nyithindho pa Seir i ng’om Edom.

²² Man nyithindho pa Lotan gi Hori man Heman; man nyamin Lotan en e Timna.

²³ Man maeni gi nyithindho pa Cobal: Alvan man Manahath kud Ebal, Cefo man Onam.

²⁴ Man maeni gi nyithindho pa Zibeon: Aia man Ana; maeni Ana m’unwang’u kulo ma lieth i yamba, kinde m’ekwayu kana pa Zibeon ma won.

²⁵ Man maeni gi nyithindho pa Ana: Dicon man Oholibama ma nyar Ana.

²⁶ Man maeni nyithindho pa Dicon: Hemdan man Ecban ku Ithran man Keran,

²⁷ Maeni gi nyithindho pa Ezer: Bilhan man Zavan kud Akan.

²⁸ Maeni gi nyithindho pa Dican: Uz man Aran.

²⁹ Maeni gi rwodhi m’uai ba Juhori: rwoth Lotan, rwoth Cobal, rwoth Zibeon, rwoth Ana,

³⁰ rwoth Dicon, rwoth Ezer, rwoth Dican: maeni gi rwodhi ma giai ba Juhori, calku rwodhi migi i ng’om Seir.

Jubim mir Edom

³¹ Man maeni gi ju m’ubimo m’ucamu ker i ng’om Edom, ma fodi ubimo moko kucamu ker ungo wi nyithindho mir Israel.

³² Man Bela ma wod Beor ucamu ker i Edom; man nying adhura pare en e Dinhaba.

³³ Man Bela tho, man Yobab ma wod Zera m’i Bozra camu ker kakare.

³⁴ Man Yobab utho, man Hucam m’i ng’om Jutemani camu ker kakare.

³⁵ Man Hucam utho, man Hadad ma wod Bedad, m’ugoyo Midian i podho pa Moab, ucamu ker kakare: man nying adhura pare Avith.

³⁶ E Hadad utho, man Samla m’i Masreka camu ker kakare.

³⁷ Man Samla tho, man Caul m’i Rehoboth i ng’et Kulo camu ker kakare.

³⁸ Man Caul utho, man Bal-hanan ma wod Akbor ucamu ker kakare.

³⁹ Man Bal-hanan ma wod Akbor utho, e Hadar ucamu ker kakare: man adhura pare en e Pau; man nying’ dhaku pare en e Mehetabel, ma nya Matred, ma nya Mezahab.

⁴⁰ Maeni gi nying’ rwodhi m’uai bang’ Esau, calku wat migi, calku kakagi, ku nying’gi ku nying’gi: rwoth Timna, rwoth Alva, rwoth Yetheth,

⁴¹ rwoth Oholibama, rwoth Ela, rwoth Pinon,

⁴² rwoth Kenaz, rwoth Teman, rwoth Mibzar,

⁴³ rwoth Magdiel, rwoth Iram: maeni gi rwodhi pa Edom, calku kabedo migi i ng’om mi piny migi. Maeni en e Esau, ma won Juedomi.