Kitabu Mir Ang’wende Pa Musa Wel 7 - The Holy Bible In Alur (Lur) Revised Orthography

Girathiera mi Dwoko Pemblam Leng’

¹ Man etimbre i ceng’ ma Musa daru ting’o ie hema malu, man ewire edwoke leng’ de, ku jamnine ceke, ku pemblam man agulune ceke, man ewirogi edwokogi leng’ de;

² nia judongomawijo mir Israel, ma wi udi pa weggi, githiero. Maeni gi judongomawijo mi suru, maeni gi ju ma ni wi ju ma jukwanugi:

³ e gikelo girathiera migi i wang’ Yehova, magali m’auma abusiel, ku koni dhiang’ apar wi ario; magali acel ni judongomawijo ario kubang’gi kubang’gi, man koni dhiang’ acel ni ng’atu acel kubang’gi kubang’gi: e githierogi i wang’ hema.

⁴ E Yehova yero ni Musa, ewacu kumae,

⁵ Game i bang’gi kara jutim kugi tic mi hema mi cokri; man imigi ni Julawi, ni dhanu ceke kubang’gi kubang’gi ng’atuman calku tic pare.

⁶ E Musa gamu magali ku koni dhiang’, man emiogi ni Julawi.

⁷ Emio magali ario ku koni dhiang’ ang’wen ni wot Gercon, calku tic migi:

⁸ man emio magali ang’wen ku koni dhiang’ abora ni wot Merari calku tic migi, the cing’ Ithamar ma wod Harun ma jalam.

⁹ Ento emio moko ngo ni wot Kohath, kum tic mi kamaleng’ en e migi; giyeye wi gokgi.

¹⁰ Man judongomawijo githiero giramia mi thier wi pemblam i ceng’ ma juwire i ie, en e judongomawijo githiero girathiera migi i wang’ pemblam.

¹¹ E Yehova wacu ni Musa kumae, Gibithiero girathiera migi, ku ba judongomawijo ku ba judongomawijo ng’atuman i ceng’ pare, ni thier mi pemblam.

¹² Man ng’atu m’uthiero girathiera pare i ceng’ ma kwong’ane en e Nacon ma wod Aminadab, mi suru pa Yuda:

¹³ man girathiera pare en e atangla acel mi mola ma tar ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

¹⁴ upal acel mi mola ma kwar mi cekel apar, pong’ kud udok ma ng’wice ng’ar;

¹⁵ thwon dhiang’ acel ma ful ful man nyog rombo acel, ku nyathi nyog rombo ma rundine acel, ni lam m’awang’a;

¹⁶ nyog diel acel ni lam mi dubo;

¹⁷ man ni lam mi girathiera mi kwiocwiny, thwoni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundi migi acel acel: maeni en e girathiera pa Nacon ma wod Aminadab.

¹⁸ I ceng’ mir arionde Nethanel ma wod Zuar, ma jaditmawijo pa Isakar, uthiero:

¹⁹ ethiero ni girathiera pare atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

²⁰ man upal acel mi mola ma kwar mi cekel apar, pong’ kud udok ma ng’wice ng’ar;

²¹ ku thwon dhiang’ acel ma ful ful, man nyog rombo acel, ku nyathi nyog rombo ma rundine acel, ni lam m’awang’a;

²² man nyog diel acel ni lam mi dubo;

²³ man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, ku nyithi nyogi rombe abic ma rundi migi acel acel: maeni en e girathiera pa Nethanel ma wod Zuar.

²⁴ I ceng’ mir adege Eliab ma wod Helon, ma jaditmawijo mi nyithindho pa Zebulun:

²⁵ girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

²⁶ man upal acel mi mola ma kwar mi cekel apar, pong’ kud udok ma ng’wice ng’ar;

²⁷ ku thwon dhiang’ acel ma ful ful, ku nyog rombo acel, ku nyathi nyog rombo acel ma rundine acel, ni lam m’awang’a;

²⁸ ku nyog diel acel ni lam mi dubo;

²⁹ man ni lam mi girathiera mi kwiocwiny, koni dhiang’ ario, man nyogi rombe abic, ku nyogi diegi abic, man nyithi nyogi rombe abic ma rundi migi acel acel: maeni en e girathiera pa Eliab ma wod Helon.

³⁰ I ceng’ mir ang’wende Elizur ma wod Cedeur, ma jaditmawijo mi nyithindho pa Ruben:

³¹ girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar ma cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo mi lam mi mogo;

³² man upal acel mi mola ma kwar mi cekel apar, pong’ kud udok ma ng’wice ng’ar;

³³ ku thwon dhiang’ acel ma ful ful, ku nyog rombo acel, ku nyathi nyog rombo acel ma rundine acel, ni lam m’awang’a;

³⁴ man nyog diel acel ni lam mi dubo;

³⁵ man ni lam mi girathiera mi kwiocwiny, koni dhiang’ ario, ku nyog rombe abic, ku nyogi diegi abic, man nyithi nyogi rombe abic ma rundi migi acel acel: maeni en e girathiera pa Elizur ma wod Cedeur.

³⁶ I ceng’ mir abije Celumiel ma wod Zuricadai, ma jaditmawijo mi nyithindho pa Simeon:

³⁷ girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar ma cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

³⁸ man upal acel mi mola ma kwar mi cekel apar, pong’ kud udok ma ng’wice ng’ar;

³⁹ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a;

⁴⁰ ku nyog diel acel ni lam mi dubo;

⁴¹ man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, ku nyithi nyogi rombe abic ma rundi migi acel acel: maeni en e girathiera pa Celumiel ma wod Zuricadai.

⁴² I ceng’ mir abusiende Eliasaf ma wod Deuel, ma jaditmawijo mi nyithindho pa Gad;

⁴³ girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

⁴⁴ man upal acel mi mola ma kwar mi cekel apar, pong’ kud udok ma ng’wice ng’ar;

⁴⁵ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a:

⁴⁶ ku nyog diel acel ni lam mi dubo;

⁴⁷ man ni lam mi girathiera mi kwiocwiny, koni dhiang’ ario, man, nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Eliasaf ma wod Deuel.

⁴⁸ I ceng’ mir abirone Elicama ma wod Amihud, ma jaditmawijo mi nyithindho pa Efraim:

⁴⁹ girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam ini mogo;

⁵⁰ man upal acel mi mola ma kwar mi cekel apar, pong’ kud udok ma ng’wice ng’ar;

⁵¹ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a;

⁵² ku nyog diel acel ni lam mi dubo;

⁵³ man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni girathiera pa Elicama ma wod Amihud.

⁵⁴ I ceng’ mir aborane Gamaliel ma wod Pedazur, ma jaditimawijo mi nyithindho pa Manase:

⁵⁵ girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

⁵⁶ man upal acel mi mola ma kwar mi cekel apar, pong’ kud udok ma ng’wice ng’ar;

⁵⁷ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a;

⁵⁸ man nyog diel acel ni lam mi dubo;

⁵⁹ man ni lam mi girathiera mi kwiocwiny, thwoni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Gamaliel ma wod Pedazur.

⁶⁰ I ceng’ mir abung’wende Abidan ma wod Gideoni, ma jaditmawijo mi nyithindho pa Benyamin:

⁶¹ girathiera pare en e atangla acel mi mola ma tar, ma pekne cekel dak acel ku pier adek, ku tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

⁶² man upal acel mi mola ma kwar mi cekel apar, pong’ kud udok ma ng’wice ng’ar;

⁶³ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel ni lam m’awang’a;

⁶⁴ man nyog diel acel ni lam mi dubo;

⁶⁵ man ni lam mi girathiera mi kwiocwiny koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Abidan ma wod Gideoni.

⁶⁶ I ceng’ mir apaje Ahiezer ma wod Amicadai, ma jaditmawijo mi nyithindho pa Dan:

⁶⁷ girathiera pare en e atangla acel mi mola ma tar, ma pekne cekel dak acel ku pier adek, ku tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

⁶⁸ man upal acel mi mola ma kwar mi cekel apar, pong’ kud udok ma ng’wice ng’ai;

⁶⁹ ku thwon dhiang’ acel ma ful ful, man nyog rombo acel, ku nyathi nyog rombo ma rundine acel, ni lam m’awang’a;

⁷⁰ ku nyog diel acel ni lam mi dubo;

⁷¹ man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Ahiezer ma wod Amicadai.

⁷² I ceng’ apar wi acende Pagiel ma wod Okran, ma jaditmawijo mi nyithindho pa Acer:

⁷³ girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebreku moni lam mi mogo;

⁷⁴ man upal acel mi mola ma kwar mi cekel apar, pong’ kud udok ma ng’wice ng’ar;

⁷⁵ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a;

⁷⁶ man nyog diel acel ni lam mi dubo;

⁷⁷ man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, ku nyithi nyogi rombe abic ma rundigi acel acel: maeni en e girathiera pa Pagiel ma wod Okran.

⁷⁸ I ceng’ apar wi arionde Ahira ma wod Enan, ma jaditmawijo mi nyithindho pa Naftali;

⁷⁹ girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;

⁸⁰ man upal acel mi mola ma kwar mi cekel apar, pong’ kud udok ma ng’wice ng’ar;

⁸¹ ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a:

⁸² ku nyog diel acel ni lam mi dubo;

⁸³ man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel; maeni en e girathiera pa Ahira ma wod Enan.

⁸⁴ Maeni en e giramia mi thier mi pemblam, i ceng’ ma juwire i ie ku mo, ni kum judongomawijo mir Israel: atangla mi mola ma tar apar wi ario, ku tabu mi mola ma tar apar wi ario, man upal mi mola ma kwar apar wi ario;

⁸⁵ man pek mir atangla mi mola ma tar kubang’gi kubang’gi cekel dak acel ku pier adek, man tabu kubang’gi kubang’gi pier abiro; mola ma tar ceke mir agulu cekel rubanga ario ku dak ang’wen, calku cekel mi kamaleng’;

⁸⁶ upal apar wi ario mi mola ma kwar, pong’ kud udok ma ng’wice ng’ar pekne kubang’gi kubang’gi cekel apar, calku cekel mi kamaleng’; mola ma kwar ceke mir upal cekel dak acel ku pier ario;

⁸⁷ koni dhiang’ ceke mi lam m’awang’a en e thwoni dhiang’ apar wi ario, man nyogi rombe apar wi ario, nyithi nyogi rombe ma rundigi acel acel apar wi ario, ku lam mi mogone; man nyogi diegi mi lam mi dubo apar wi ario;

⁸⁸ man koni dhiang’ ceke mi lam mi girathiera mi kwiocwiny en e thwoni dhiang’ pier ario wi ang’wen, nyogi rombe ke pier abusiel, nyogi diegi ke pier abusiel, man nyithi nyogi rombe ma rundigi acel acel pier abusiel. Maeni en e giramia mi thier mi pemblam, yo ng’ei wire ku mo.

⁸⁹ E kinde ma Musa mondo i hema mi cokri niweco kude, elund ewinjo Dwal ubeweco i bang’e ku malu ba kabedomikisa ma ni wi sanduk mi lembatuca, kud i kind kerubi ario; man eweco i bang’e.